ದೆಹಲಿ-ಟೋಕಿಯೋ ವಿಮಾನ ಸೇವೆಗಳನ್ನು ಪ್ರಾರಂಭಿಸಿದ ವಿಸ್ತಾರ

ನವದೆಹಲಿ: ವಿಸ್ತಾರ ಏರ್ ಲೈನ್ಸ್ ದೆಹಲಿ-ಟೋಕಿಯೋ ಹನೆಡಾ ನಡುವಿನ ತಡೆರಹಿತ ವಿಮಾನ ಸೇವೆಯನ್ನು ಜು.07 ರಂದು ಉದ್ಘಾಟಿಸಿದೆ.

ಭಾರತ-ಜಪಾನ್ ನಡುವಿನ ಏರ್ ಬಬ್ಬಲ್ ಒಪ್ಪಂದದ ಅಡಿಯಲ್ಲಿ ಉದ್ಘಾಟನೆಗೊಂಡ ವಿಮಾನ ಕಾರ್ಯನಿರ್ವಹಣೆ ಮಾಡಿದೆ. ಎರಡೂ ನಗರಗಳ ನಡುವೆ ಏರ್ ಲೈನ್ ವಾರಕ್ಕೆ ಒಮ್ಮೆ ಸಂಚರಿಸಲಿದೆ. 

"ಹೊಸ ಮಾರ್ಗದಲ್ಲಿ ನಮ್ಮ ಅಸ್ತಿತ್ವವನ್ನು ಮತ್ತಷ್ಟು ಬಲಪಡಿಸುವುದಕ್ಕೆ ಎದುರು ನೋಡುತ್ತೇವೆ" ಎಂದು ವಿಸ್ತಾರಾ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಲೆಸ್ಲಿ ಥಂಗ್ ಹೇಳಿದ್ದಾರೆ.

ಟಾಟಾ ಎಸ್ಐಎ ಏರ್ಲೈನ್ಸ್ ವಿಸ್ತಾರ ಬ್ರಾಂಡ್ ಹೆಸರಿನಲ್ಲಿ ಕಾರ್ಯನಿರ್ವಹಿಸುತ್ತಿದ್ದು, 51:49 ಅನುಪಾತದಲ್ಲಿ ಟಾಟಾ ಸನ್ಸ್ ಹಾಗೂ ಸಿಂಗಪೂರ್ ಏರ್ಲೈನ್ಸ್ ಜಂಟಿಯಾಗಿ ನಡೆಸುತ್ತಿರುವ ಉದ್ಯಮವಾಗಿದೆ.