ಇನ್ಫೋಸಿಸ್, ವಿಪ್ರೊ ಸಂಸ್ಥೆಯ ಇಬ್ಬರು ಉದ್ಯೋಗಿಗಳಿಗೆ ಸ್ಟಾಕ್ ಮಾರ್ಕೆಟ್ ನಿರ್ಬಂಧ ಹೇರಿದ ಸೆಬಿ

ಬೆಂಗಳೂರು: ಮಾರುಕಟ್ಟೆ ನಿಯಂತ್ರಕ ಸಂಸ್ಥೆ ಸೆಬಿ (Securities and Exchanges Board of India) ಇನ್ಫೋಸಿಸ್ ಮತ್ತು ವಿಪ್ರೊ ಸಂಸ್ಥೆಯ ಒಬ್ಬ ಉದ್ಯೋಗಿಯನ್ನು ಷೇರು ಮಾರುಕಟ್ಟೆಯಿಂದ ಬಹಿಷ್ಕರಿಸಿದೆ. 

ಇದನ್ನೂ ಓದಿ:  ರಾಜ್ ಕುಂದ್ರಾ, ಶಿಲ್ಪಾಶೆಟ್ಟಿಗೆ 3 ಲಕ್ಷ ರೂ. ದಂಡ ವಿಧಿಸಿದ ಸೆಬಿ

ರಮಿತ್ ಚೌದ್ರಿ ಮತ್ತು ಕೆಯುರ್ ಮನಿಯಾರ್ ಎಂಬುವವರೇ ಸೆಬಿಯಿಂದ ನಿರ್ಬಂಧಕ್ಕೆ ತುತ್ತಾದವರು. ಈ ಇಬ್ಬರೂ ವ್ಯಕ್ತಿಗಳು ಅಕ್ರಮ ಎಸಗಿರುವುದು ಸಾಬೀತಾದ ಹಿನ್ನೆಲೆಯಲ್ಲಿ ಈ ಕ್ರಮ ಕೈಗೊಂಡಿರುವುದಾಗಿ ಸೆಬಿ ತಿಳಿಸಿದೆ. 

2020ರ ಇನ್ಫೋಸಿಸ್- ವ್ಯಾನ್ ಗಾರ್ಡ್ ಸಂಸ್ಥೆಗಳ ನಡುವಿನ ಒಪ್ಪಂದದ ಸಮಯದಲ್ಲಿ ಆರೋಪಿಗಳು ಅಕ್ರಮ ಎಸಗಿದ್ದರು. ಸೆಬಿ ಆರೋಪಿಗಳಿಂದ 2.69 ಕೋಟಿ ರೂ.ಗಳನ್ನು ವಶಪಡಿಸಿಕೊಂಡಿದೆ. ಇನ್ಫೋಸಿಸ್ ವ್ಯಾನ್ ಗಾರ್ಡ್ ಒಪ್ಪಂದ ಕಾರ್ಯಕ್ರಮದಲ್ಲಿ ಆರೋಪಿಗಳು ಸಂಸ್ಥೆಯ ಪರವಾಗಿ ನೇರವಾಗಿ ಭಾಗಿಯಾಗಿದ್ದರು.

ಇದನ್ನೂ ಓದಿ: ​ಸೆಬಿ ಉನ್ನತ ಅಧಿಕಾರಿಗಳ ಕಚೇರಿ ಮೇಲೆ ಸಿಬಿಐ ದಾಳಿ!

ಹೀಗಾಗಿ ಆರೋಪಿಗಳಿಗೆ ಒಪ್ಪಂದದ ಅನೇಕ ಗೌಪ್ಯ ಮಾಹಿತಿ ತಿಳಿದಿದ್ದವು. ಅದರ ಆಧಾರದಲ್ಲಿ ಷೇರು ವ್ಯವಹಾರ ನಡೆಸಿರುವುದನ್ನು ಸೆಬಿ ಪತ್ತೆ ಹಚ್ಚಿತ್ತು.