ಸಿರಿಯಾದ ನಿರಾಶ್ರಿತರ ಕೂಗು ಹಾಲಿವುಡ್ಡನ್ನು ತಲುಪಿದೆ. ಅನಾಥ ಮಗುವನ್ನು ದತ್ತು ತೆಗೆದುಕೊಳ್ಳುವ ಮೂಲಕ ಏಂಜಲಿನಾ ಜೂಲಿ ಮತ್ತು ಬ್ರಾಡ್ ಪಿಟ್ ಮತ್ತೆ ಅಭಿಮಾನಿಗಳ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.
ಈ ಮೂಲಕ ಜೂಲಿಗೆ 7 ಮಕ್ಕಳು ಆದಂತಾಗಿದೆ! ಜೂಲಿಯ ಕುಟುಂಬ ಅನ್ನೋದೇ ಪುಟ್ಟ ವಿಶ್ವ. ಯಾಕೆ ಗೊತ್ತಾ? ಈ ಹಿಂದೆ ಕಾಂಬೋಡಿಯಾ, ವಿಯೇಟ್ನಾಂ, ಇಥಿಯೋಫಿಯಾದ ಮಕ್ಕಳನ್ನು ದತ್ತು ತೆಗೆದುಕೊಂಡಿದ್ದಳು. ಈಗ ಸಿರಿಯಾದ ಮಗು. ಇನ್ನು ಮೂರು ಮಕ್ಕಳಿಗೆ ಜೂಲಿಯೇ ಜನ್ಮ ಕೊಟ್ಟಿದ್ದಳು.
ಜೂಲಿ ದತ್ತು ತೆಗೆದುಕೊಂಡ ಮಗುವಿನ ಅಮ್ಮ, ಅಣ್ಣಂದಿರು ಯುದ್ಧದಲ್ಲಿ ಮಡಿದಿದ್ದಾರೆ. ಅಪ್ಪನನ್ನು ಸಿರಿಯಾ ಸೈನಿಕರು ಎಳೆದೊಯ್ದಿದ್ದಾರಂತೆ.
