ನವದೆಹಲಿ: ಬಾಲಿವುಡ್ ಮೆಗಾಸ್ಟಾರ್ ಅಮಿತಾಬ್ ಬಚ್ಚನ್ ಅವರ ಹುಟ್ಟುಹಬ್ಬದ ದಿನವಾದ ಮಂಗಳವಾರ ಸಾಮಾಜಿಕ ಜಾಲತಾಣ ಟ್ವಿಟ್ಟರ್ ನಲ್ಲಿ ಅನೇಕರು ಶುಭಾಶಯ ತಿಳಿಸಿದ್ದಾರೆ. ಅದರಲ್ಲಿ ಒಂದು ಸಂದೇಶ ಎಲ್ಲರ ಗಮನ ಸೆಳೆದಿದೆ. ಅದು ಭಾರತೀಯ ಕ್ರಿಕೆಟ್ ತಂಡದ ಮಾಜಿ ಆಟಗಾರ ವೀರೇಂದ್ರ ಸೆಹ್ವಾಗ್ ರದ್ದು.
ಇತ್ತೀಚೆಗೆ ಟ್ವಿಟ್ಟರ್ ನಲ್ಲಿ ಬರೆಯುವ ಸಂದೇಶಗಳಿಂದ ಸುದ್ದಿ ಮಾಡುತ್ತಿರುವ ವೀರೇಂದ್ರ ಸೆಹ್ವಾಗ್ ಅಮಿತಾಬ್ ಬಚ್ಚನ್ ಕುರಿತು ಮಾಡಿರುವ ಟ್ವೀಟ್ ತುಂಬಾ ಸೊಗಸಾಗಿದೆ.
ವಿದೇಶಿಗರು ಹೇಳುತ್ತಾರೆ: ನಮ್ಮಲ್ಲಿ ಬ್ರೂಸ್ ಲಿ ಇದ್ದಾರೆ, ಅರ್ನಾಲ್ಡ್ ಇದ್ದಾರೆ, ಬ್ರಾಂಡೊ ಇದ್ದಾರೆ, ಕ್ರೂಯಿಸ್ ಇದ್ದಾರೆ, ನಿಮ್ಮ ಬಳಿ ಏನಿದೆ?
ಅದಕ್ಕೆ ಭಾರತ ಉತ್ತರಿಸುತ್ತದೆ: ನಮ್ಮಲ್ಲಿ ಸೀನಿಯರ್ ಬಚ್ಚನ್ ಇದ್ದಾರೆ, ಚಿತ್ರರಂಗದ ದಂತಕಥೆಗೆ ಹುಟ್ಟುಹಬ್ಬದ ಶುಭಾಶಯಗಳು.
