'ಥಗ್ಸ್ ಆಫ್ ಹಿಂದೋಸ್ತಾನ್'ನಲ್ಲಿ ಕತ್ರಿನಾ ಕೈಫ್ ಸಿಪಾಯಿ ರಾಣಿ!

ಬಾಲಿವುಡ್ ನಟಿ ಕತ್ರಿನಾ ಕೈಫ್ ಮಾಲ್ಟಾದಲ್ಲಿ 'ಥಗ್ಸ್ ಆಫ್ ಹಿಂದೋಸ್ತಾನ್' ಸಿನೆಮಾದ ಮೊದಲ ಹಂತದ ಚಿತ್ರೀಕರಣ ಮುಗಿಸಿದ್ದಾರೆ. ಅಮಿತಾಬ್ ಬಚ್ಚನ್, ಅಮೀರ್ ಖಾನ್ ಮತ್ತು ಫಾತಿಮಾ ಸನ ಶೇಕ್ ನಟಿಸುತ್ತಿರುವ ಈ ಸಿನೆಮಾದಲ್ಲಿ ಕತ್ರಿನಾ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂಬ ವದಂತಿಯಿತ್ತು. ಅವರ ಪಾತ್ರದ ಬಗ್ಗೆ ಇನ್ನು ಅಧಿಕೃತ ಮಾಹಿತಿ ಸಿಕ್ಕಿಲ್ಲ. 

ಆದರೆ ಮೂಲಗಳು ತಿಳಿಸುವ ಪ್ರಕಾರ "ಸಿನೆಮಾದಲ್ಲಿ ಕತ್ರಿನಾ ಭಾರತೀಯ ಸಿಪಾಯಿ ರಾಣಿಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಸಿನೆಮಾದಲ್ಲಿ ನಟಿಯ ನೋಟವನ್ನು ಗುಪ್ತವಾಗಿ ಕಾಪಾಡಿಕೊಂಡಿದ್ದು, ಯಾರಿಗೂ ಅವರ ಫೋಟೋ ಕ್ಲಿಕ್ಕಿಸುವ ಅನುಮತಿ ನೀಡಿಲ್ಲ" ಎನ್ನುತ್ತಾರೆ. 

ಯಶ್ ರಾಜ್ ಫಿಲಂಸ್ ನಿರ್ಮಿಸುತ್ತಿರುವ ಈ ಸಿನೆಮಾ ಕನ್ಫೆಶನ್ಸ್ ಆಫ್ ಥಗ್ಸ್ ಕಾದಂಬರಿ ಆಧಾರಿತ ಚಿತ್ರ. ವಿಜಯ್ ಕೃಷ್ಣ ಆಚಾರ್ಯ ನಿರ್ದೇಶನದ 'ಥಗ್ಸ್ ಆಫ್ ಹಿಂದೋಸ್ತಾನ್' ೨೦೧೮ ರ ದೀಪಾವಳಿ ಹಬ್ಬಕ್ಕೆ ಬಿಡುಗಡೆಯಾಗಲಿದೆ.

ಇದರ ಬಗ್ಗೆ ಈ ಮೊದಲು ಟ್ವೀಟ್ ಮಾಡಿದ್ದ ನಟ ಅಮಿತಾಬ್ ಬಚ್ಚನ್ ಈ ಸಿನೆಮಾ ಒರಟು ಮತ್ತು ಗಟ್ಟಿಯಾದದ್ದು ಎಂದು ಬಣ್ಣಿಸಿದ್ದರು.