೬೦ನೇ ಸ್ಯಾನ್ ಫ್ರಾನ್ಸಿಸ್ಕೊ ಸಿನಿಮೋತ್ಸವದಲ್ಲಿ ಶಾರುಖ್ ಖಾನ್ ಅವರಿಗೆ ಗೌರವ

ನವದೆಹಲಿ: ೬೦ ನೇ ಸ್ಯಾನ್ ಫ್ರಾನ್ಸಿಸ್ಕೊ ಅಂತಾರಾಷ್ಟ್ರೀಯ ಸಿನಿಮೋತ್ಸವದಲ್ಲಿ, ಏಪ್ರಿಲ್ ೧೪ ರಂದು ಗೌರವ ಸ್ವೀಕರಿಸುತ್ತಿರವುದಕ್ಕೆ ಉತ್ಸುಕರಾಗಿರುವುದಾಗಿ ಬಾಲಿವುಡ್ ಸೂಪರ್ ಸ್ಟಾರ್ ಶಾರುಖ್ ಖಾನ್ ಹೇಳಿದ್ದಾರೆ. 

ಈ ಖುಷಿಯ ವಿಷವನ್ನು ಟ್ವಿಟ್ಟರ್ ನಲ್ಲಿ ಹಂಚಿಕೊಂಡಿರುವ ೫೧ ವರ್ಷದ ನಟ "೬೦ ನೇ ಸ್ಯಾನ್ ಫ್ರಾನ್ಸಿಸ್ಕೊ ಅಂತಾರಾಷ್ಟ್ರೀಯ ಸಿನಿಮೋತ್ಸವದಲ್ಲಿ ಭಾಗವಹಿಸುತ್ತಿರುವುದೇ ಗೌರವ. ಗೆಳೆಯ @ಬ್ರೆಟ್ ರ್ಯಾಂಟರ್ ಅವರನ್ನು ಭೇಟಿ ಮಾಡಲು ಎದುರು ನೋಡುತ್ತಿದ್ದೇನೆ. ಮತ್ತು ಸ್ಯಾನ್ ಫ್ರಾನ್ಸಿಸ್ಕೊ ನೆನಪುಗಳಿಗೂ" ಎಂದು ಅವರು ಬರೆದಿದ್ದರೆ. 

ಈ ಉತ್ಸವಕ್ಕೆ "ವಿಶ್ವದ ಗಣ್ಯ ವ್ಯಕ್ತಿಗಳಲ್ಲಿ ಒಬ್ಬರಾದ" ಶಾರುಖ್ ಖಾನ್ ಅವರನ್ನು ಆಹ್ವಾನಿಸುವುದಕ್ಕೆ ಗೌರವ ಎಂದು ಈ ಉತ್ಸವದ ಆಯೋಜಕರು ಹೇಳಿದ್ದಾರೆ. 

ಜಾನ್ ರಿಡ್ಲಿ, ಗಾರ್ಡನ್ ಗುಂಡ್, ಎಥಾನ್ ಹಾವ್ಕ್ ಮತ್ತು ಜೇಮ್ಸ್ ಐವರಿ ಇವರುಗಳ ಜೊತೆಗೆ ಸ್ಯಾನ್ ಫ್ರಾನ್ಸಿಸ್ಕೊ ಸಿನಿಮೋತ್ಸವದಲ್ಲಿ ಶಾರುಖ್ ಖಾನ್ ಗೌರವ ಸ್ವೀಕರಿಸಲಿದ್ದಾರೆ. 

ಏಪ್ರಿಲ್ ೫-೧೯ ರವರೆಗೆ ನಡೆಯುವ ಉತ್ಸವದಲ್ಲಿ ೨೦೦ ಕ್ಕೂ ಹೆಚ್ಚು ಚಿತ್ರಗಳು ಪ್ರದರ್ಶನಗೊಳ್ಳಲಿದ್ದು ಹಲವು ಕಾರ್ಯಕ್ರಮಗಳು ಕೂಡ ನಡೆಯಲಿವೆ.