ಮೇರಿ ಕೋಮ್ ನಂತರ ಪಿಟಿ ಉಷಾ ಬಯೋಪಿಕ್‍ನಲ್ಲಿ ಪ್ರಿಯಾಂಕಾ ಚೋಪ್ರಾ

ಭಾರತದ ಖ್ಯಾತ ಬಾಕ್ಸರ್ ಮೇರಿ ಕೋಮ್ ಜೀವನಾಧಾರಿತ ಚಿತ್ರದಲ್ಲಿ ನಟಿಸಿ ಸೈ ಎನಿಸಿಕೊಂಡಿದ್ದ ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ಇದೀಗ ಖ್ಯಾತ ಓಟಗಾರ್ತಿ ಪಿಟಿ ಉಷಾ ಜೀವನಾಧಾರಿತ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. 

ಜಾಹಿರಾತು ನಿರ್ದೇಶಕಿ ರೇವತಿ ವರ್ಮಾ ಅವರು ಪಿಟಿ ಉಷಾ ಬಯೋಪಿಕ್ ಚಿತ್ರದ ಮೂಲಕ ಸ್ವತಂತ್ರ ನಿರ್ದೇಶನರಾಗುತ್ತಿದ್ದು ಚಿತ್ರಕ್ಕೆ ಪ್ರಿಯಾಂಕಾ ಚೋಪ್ರಾರನ್ನು ಆಯ್ಕೆ ಮಾಡಿದ್ದಾರೆ. ಇನ್ನು ಚಿತ್ರಕ್ಕೆ ಭಾರತದ ಖ್ಯಾತ ಸಂಗೀತ ನಿರ್ದೇಶಕ ಎಆರ್ ರೆಹಮಾನ್ ಸಂಗೀತ ಸಂಯೋಜಿಸುವುದು ಖಚಿತವಾಗಿದೆ. 

ಪಿಟಿ ಉಷಾ ಬಯೋಪಿಕ್ ಚಿತ್ರದಲ್ಲಿ ಮೂರು ಹಂತದ ಪಾತ್ರ ನಿರ್ವಹಣೆ ಮಾಡಬೇಕಿದೆ. ಮೊದಲಿಗೆ ಬಾಲಕಿ ನಂತರ ಓಟಗಾರ್ತಿಯಾಗುವುದು, ನಂತರ ಅಥ್ಲೀಟ್ ಆ ನಂತರ ತಾಯಿ ಮತ್ತು ಕೋಚ್ ಈ ಮೂರು ಹಂತದಲ್ಲಿ ತೆರೆಯ ಮೇಲೆ ಚಿತ್ರ ರೂಪಗೊಳ್ಳಲಿದೆ. 

ಆರು ತಿಂಗಳ ನಂತರ ಚಿತ್ರ ಸೆಟ್ಟೇರಲಿದ್ದು 100 ಕೋಟಿ ಬಂಡವಾಳದಲ್ಲಿ ಚಿತ್ರ ನಿರ್ಮಾಣವಾಗುತ್ತಿದೆ. ಹಿಂದಿ, ಇಂಗ್ಲೀಷ್, ಮಲಯಾಳಂ, ಚೀನೀ ಹಾಗೂ ರಷ್ಯಾ ಭಾಷೆಗಳಲ್ಲಿ ಚಿತ್ರ ನಿರ್ಮಾಣವಾಗಲಿದೆ.