ವಿಮರ್ಶಕರ ದೃಷ್ಟಿಯಿಂದ ಋಣಾತ್ಮಕ ಅಭಿಪ್ರಾಯ ಪಡೆದುಕೊಂಡಿದ್ದ ಚಿತ್ರ, ಗಳಿಕೆ ವಿಚಾರದಲ್ಲಿ ಹೆಚ್ಚು ಸದ್ದು ಮಾಡಿದೆ. ಅಷ್ಟೇ ಅಲ್ಲ, ಈ ಹಿಂದಿನ ಮೊದಲ ದಿನದ ಗಳಿಕೆಯ ಹಲವು ದಾಖಲೆಗಳನ್ನು ‘ಥಗ್ಸ್..’ ಮುರಿದಿದೆ. ಸಲ್ಮಾನ್ ಖಾನ್ ನಟಿಸಿದ್ದ ‘ಪ್ರೇಮ ರತನ್ ಧನ್ ಪಾಯೋ’ ಚಿತ್ರ 39. 32 ಕೋಟಿ ರೂ. ಗಳಿಕೆ ಮಾಡಿತ್ತು. ‘ಬಾಹುಬಲಿ-2’ 40.73 ಕೋಟಿ ರೂ. ಬಾಚಿಕೊಂಡಿತ್ತು. ಇದೀಗ ಈ ಎರಡೂ ಚಿತ್ರಗಳನ್ನು ಮೀರಿ ನಿಂತಿದೆ ‘ಥಗ್ಸ್..’. ‘ಬಾಹುಬಲಿ 2’ ಮತ್ತು ಹಾಲಿವುಡ್ನ ‘ಅವೆಂಜರ್ಸ್- ಇನ್ಫಿನಿಟಿ ವಾರ್’ ಸಿನಿಮಾಗಳು ಮುಂಗಡ ಟಿಕೆಟ್ ಬುಕ್ಕಿಂಗ್ ಮೂಲಕವೇ ದಾಖಲೆ ಮಾಡಿದ್ದವು. ಇದೀಗ ಆ ಪೈಕಿ ಮೂರನೇ ಚಿತ್ರವಾಗಿ ‘ಥಗ್ಸ್..’ ಸೇರ್ಪಡೆಗೊಂಡಿದೆ. ಮುಂಗಡ ಟಿಕೆಟ್ನಿಂದಲೇ 27 ಕೋಟಿ ರೂ. ಗಳನ್ನು ‘ಥಗ್ಸ್..’ ಚಿತ್ರ ಗಳಿಸಿದೆ.
