ಬಾಕ್ಸ್ ಆಫೀಸ್ ಚಿಂದಿ,ಬಿಡುಗಡೆಯಾದ ಕೇವಲ 2 ದಿನದಲ್ಲೇ 73. 30 ಕೋಟಿ ಬಾಚಿದ 'ಭಾರತ್ '

ಮುಂಬೈ: ಆಲಿ ಅಬ್ಬಾಸ್ ಜಾಫರ್ ನಿರ್ದೇಶನದ ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ ಅಭಿನಯದ  'ಭಾರತ್ ' ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ ಕೊಳ್ಳೆ ಹೊಡೆಯುತ್ತಿದೆ. ಬಿಡುಗಡೆಯಾದ ಕೇವಲ 2 ಎರಡು ದಿನಗಳಲ್ಲಿಯೇ  73 ಕೋಟಿ 30 ಲಕ್ಷ ರೂಪಾಯಿ ಬಾಚಿದೆ.

ಈದ್ ಉಲ್ ಫಿತ್ತರ್ ದಿನದಂದು ಬಿಡುಗಡೆಯಾದ ಈ ಚಿತ್ರ ಮೊದಲ ದಿನವೇ 42 ಕೋಟಿ 30 ಲಕ್ಷ ರೂಪಾಯಿ ಕಲೆಕ್ಷನ್ ಮಾಡಿತ್ತು  ಮಾಡಿತ್ತು.ಈಗ  ಕೇವಲ ಎರಡೇ ದಿನದಲ್ಲೇ 73. 30 ಕೋಟಿ ರೂಪಾಯಿ  ಗಳಿಸುವ ಮೂಲಕ ಹಿಂದಿ ಚಿತ್ರರಂಗದಲ್ಲಿ ಹೊಸ ದಾಖಲೆ ಬರೆದಿದೆ. 

ಆದಾಗ್ಯೂ, ಚಿತ್ರಕ್ಕೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಕೋಟ್ಯಂತರ ಅಭಿಮಾನಿಗಳನ್ನು ಹೊಂದಿರುವ ಸಲ್ಮಾನ್ ಖಾನ್ ಅವರನ್ನು ನಿರೀಕ್ಷೆಗೆ ತಕ್ಕಂತೆ ತೋರಿಸಿಲ್ಲ ಎಂಬಂತಹ ಅಭಿಪ್ರಾಯಗಳು ವ್ಯಕ್ತವಾಗುತ್ತಿವೆ. 

ಇನ್ನೂ ಚಿತ್ರದಲ್ಲಿ ಸಲ್ಮಾನ್ ಖಾನ್ ಜೋಡಿಯಾಗಿ ಕತ್ರಿನಾ ಕೈಫ್ ಅಭಿನಯಿಸಿದ್ದಾರೆ. ಕಳೆದ ವರ್ಷ ನಿಕ್ಕಿ ಜೋನ್ಸ್ ಜೊತೆಗೆ ವಿವಾಹದ ಹಿನ್ನೆಲೆಯಲ್ಲಿ ಕೊನೆ ಕ್ಷಣದಲ್ಲಿ ಪ್ರಿಯಾಂಕಾ ಚೋಪ್ರಾ ಚಿತ್ರದಿಂದ ಹೊರಬಂದ ನಂತರ ಕತ್ರಿನಾ ಕೈಫ್  ನಾಯಕಿಯಾಗಿ ಅಭಿನಯಿಸಿದ್ದಾರೆ.ಸುನೀಲ್ ಗ್ರೌವರ್ , ಸೊನಾಲಿ ಕುಲಕರ್ಣಿ, ಜಾಕಿ ಶ್ರಾಫ್ , ದಿಶಾ ಪಠಾಣಿ ಮತ್ತಿತರ ತಾರಾಬಳಗವಿದೆ. 

'ಭಾರತ್'  ದೇಶಭಕ್ತ ವ್ಯಕ್ತಿಯ ಕತೆಯಾಗಿದ್ದು, ಆ ಮೂಲಕ ಭಾರತ-ಪಾಕಿಸ್ತಾನ ವಿಭಜನೆಯ ನಂತರ ದೇಶದ ಬದಲಾದ ಸ್ವರೂಪ ಹಾಗೂ ಅದರೊಂದಿಗೆ ಬದಲಾಗುವ ಆಂತರಿಕ ಭಾವನೆಯನ್ನು ತೋರಿಸಲಾಗಿದೆ.