ಬರೋಬ್ಬರಿ 48 ಕೋಟಿ ರೂ. ಮೊತ್ತದ ಐಷಾರಾಮಿ ಅಪಾರ್ಟ್ ಮೆಂಟ್ ಖರೀದಿಸಿದ ಬಾಲಿವುಡ್ ಬ್ಯೂಟಿ ಕ್ವೀನ್!

ಮುಂಬೈ: ಭಾರತೀಯ ಚಿತ್ರರಂಗದ ಬ್ಯೂಟಿ ಕ್ವೀನ್ ಮಾಧುರಿ ದೀಕ್ಷಿತ್ ಇತ್ತೀಚೆಗೆ ಮುಂಬೈನ ವರ್ಲಿಯಲ್ಲಿ 48 ಕೋಟಿ ರೂ. ಬೆಲೆಬಾಳುವ ಐಷಾರಾಮಿ ಅಪಾರ್ಟ್ ಮೆಂಟ್ ಖರೀದಿಸಿದ್ದಾರೆ.

ಆಸ್ತಿಯು ಇಂಡಿಯಾಬುಲ್ಸ್ ಬ್ಲೂ ಯೋಜನೆಯಲ್ಲಿ ಖರೀದಿಸಲಾಗಿದ್ದು, ಸೆಪ್ಟೆಂಬರ್ 8 ರಂದು ನೋಂದಾಯಿಸಲಾಗಿದೆ. Zapkey.com ಮೂಲಕ ರಿವೀಲ್ ಆಗಿದೆ.

ಐವತ್ತು-ಮೂರನೇ ಮಹಡಿಯಲ್ಲಿರುವ ಅಪಾರ್ಟ್ಮೆಂಟ್ನ ಪ್ರದೇಶವು 5,384 ಚದರ ಅಡಿ ಇದ್ದು, ಅಪಾರ್ಟ್ಮೆಂಟ್ ಏಳು ಕಾರ್ ಪಾರ್ಕಿಂಗ್ ಹೊಂದಿದೆ. Zapkey.com ಮೂಲಕ ಪ್ರವೇಶಿಸಿದ ದಾಖಲೆಗಳ ಪ್ರಕಾರ ಅಪಾರ್ಟ್ಮೆಂಟ್ನ ಮಾರಾಟಗಾರರು ಕ್ಯಾಲೀಸ್ ಲ್ಯಾಂಡ್ ಡೆವಲಪ್ಮೆಂಟ್ ಪ್ರೈವೇಟ್ ಲಿಮಿಟೆಡ್.

ಇದನ್ನೂ ಓದಿ: 'ಹೊಸ ವೃತ್ತಿಗೆ ಸೇರುವ ಸಾಮರ್ಥ್ಯವಿಲ್ಲ, ರಾಜಕೀಯಕ್ಕೆ ಸೇರುವುದಿಲ್ಲ, ಕಲಾವಿದೆಯಾಗಿ ಮುಂದುವರಿಕೆ: ಕಂಗನಾ ರಾನಾವತ್

ಇಂಡಿಯಾಬುಲ್ಸ್ ಬ್ಲೂ ವೆಬ್‌ಸೈಟ್‌ನ ಪ್ರಕಾರ, ಅಪಾರ್ಟ್ ಮೆಂಟ್ ಅರೇಬಿಯನ್ ಸಮುದ್ರದ ಅದ್ಭುತ ನೋಟವನ್ನು ಹೊಂದಿದೆ. ಇಂಡಿಯಾಬುಲ್ಸ್ ಬ್ಲೂ ತನ್ನ ಇನ್ ಸ್ಟಾಗ್ರಾಮ್ ನಲ್ಲಿ ಆಸ್ತಿಯ ಕೆಲವು ಚಿತ್ರಗಳನ್ನು ಹಂಚಿಕೊಂಡಿದ್ದು, ಇದು ಸುಂದರವಾದ ಈಜುಕೊಳ, ಫುಟ್‌ಬಾಲ್ ಮೈದಾನ, ಟೆನ್ನಿಸ್ ಕೋರ್ಟ್, ಸ್ಕ್ವಾಷ್ ಕೋರ್ಟ್, ಬ್ಯಾಡ್ಮಿಂಟನ್ ಕೋರ್ಟ್, ಜಿಮ್ ಮತ್ತು ಕ್ರಿಕೆಟ್ ನೆಟ್ ಅನ್ನು ಹೊಂದಿದೆ.