ವಿಚಿತ್ರ ಫ್ಯಾಶನ್ ಗಳ ಮೂಲಕವೇ ಸಾಕಷ್ಟು ಸದ್ದು ಮಾಡುವ ಉರ್ಫಿ ಜಾವೇದ್, ತಮ್ಮನ್ನು ಯಾರೂ ಮದುವೆ ಆಗಲು ಮುಂದೆ ಬರುತ್ತಿಲ್ಲ ಎಂದು ಪದೇ ಪದೇ ನೋವು ಹೇಳಿಕೊಳ್ಳುತ್ತಿದ್ದರು. ಈ ವಿಷಯದಲ್ಲಿ ತಮ್ಮ ಕುಟುಂಬ ಸಮೇತ ತನ್ನ ಅಳಲನ್ನು ಕೇಳಿಸಿಕೊಳ್ಳುತ್ತಿಲ್ಲ ಎಂದು ಹೇಳಿದ್ದರು. ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ಅವರದೊಂದು ಫೋಟೋ ವೈರಲ್ ಆಗಿದೆ.
ನಟಿ ಉರ್ಫಿ ಜಾವೇದ್ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರಂತೆ. ಬಾಲಿವುಡ್ ಅಂಗಳದಲ್ಲಿ ಈ ರೀತಿಯ ಸುದ್ದಿಯೊಂದು ಸದ್ದಿಲ್ಲದೆ ಹುಟ್ಟಿಕೊಂಡಿದೆ. ಅದಕ್ಕೆ ಕಾರಣ ಉರ್ಫಿ ಸಹೋದರಿ ಉರುಸಾ ಹಂಚಿಕೊಂಡ ಫೋಟೋ ವೈರಲ್ ಆಗಿರುವುದು. ಉರ್ಫಿ ಜಾವೇದ್ ಮತ್ತು ಒಬ್ಬ ನಿಗೂಢ ವ್ಯಕ್ತಿಯ ಫೋಟೋಗಳು ಆನ್‌ಲೈನ್‌ನಲ್ಲಿ ವೈರಲ್ ಆಗಿವೆ. ಈ ಫೋಟೋ ನಿಶ್ಚಿತಾರ್ಥದ ವದಂತಿಗಳನ್ನು ಹುಟ್ಟುಹಾಕಿದೆ.
ಹಿಂದೂ ಹುಡುಗನ ಜೊತೆ ಎಂಗೇಜ್ ಆಗಿರುವಂತೆ ಕಾಣುವ ಫೋಟೋವೊಂದು ವೈರಲ್ ಆಗಿದ್ದು, ಈ ಫೋಟೋ ಬಗ್ಗೆ ಸಾಕಷ್ಟು ಅನುಮಾನಗಳು ಮೂಡಿವೆ. ಉರ್ಫಿ ಮೈತುಂಬಾ ಬಟ್ಟೆ ಹಾಕಿಕೊಂಡು ಹೋಮ ಕುಂಡದ ಮುಂದೆ ಕೂತಿದ್ದಾರೆ. ಹುಡುಗನ ಕೈಗೆ ಉಂಗುರ ತೊಡಿಸುವಂತೆ ಪೋಸ್ ನೀಡಿದ್ದಾರೆ. ಆದರೆ, ಆ ಹುಡುಗನ ಮುಖವನ್ನು ಮುಚ್ಚಲಾಗಿದೆ. ಹಾಗಾಗಿ ಅದು ಯಾವ ಫೋಟೋ ಎಂದು ನಿಖರವಾಗಿ ತಿಳಿಯುತ್ತಿಲ್ಲ. ಆದರೂ, ಅನೇಕರು ಉರ್ಫಿಗೆ ಅಭಿನಂದನೆ ಸಲ್ಲಿಸಿದ್ದಾರೆ. ಈ ವೈರಲ್ ಆಗಿರುವ ಫೋಟೋಗಳ ಬಗ್ಗೆ ಈವರೆಗೆ ತುಟಿ ಬಿಚ್ಚಿಲ್ಲ.
Advertisement