'ಜಟಾಯು' ಎಫೆಕ್ಟ್: ಕೇರಳಂನಲ್ಲಿ ಕಳೆದ ನಾಲ್ಕೇ ದಿನದಲ್ಲಿ 20 ಕೋಟಿ ಸೇರಿ ಒಟ್ಟಾರೆ ದಾಖಲೆಯ 50 ಕೋಟಿಗೂ ಹೆಚ್ಚು ಕಲೆಕ್ಷನ್!

'ರಾಮಾಯಣ' ಚಿತ್ರವು ಕೇರಳಂನಲ್ಲಿ ಐತಿಹಾಸಿಕ ಪ್ರದರ್ಶನ ಕಾಣುವ ಮೂಲಕ ಬಾಕ್ಸ್ ಆಫೀಸ್ ದಾಖಲೆಗಳನ್ನು ಸೃಷ್ಟಿಸುತ್ತಿದೆ. ರಾಮಾಯಣ ಚಿತ್ರವೂ ತನ್ನ ಎರಡನೇ ಸೋಮವಾರದಂದು 3.75 ರಿಂದ 4 ಕೋಟಿ ರೂ.ಗಳನ್ನು ಗಳಿಸಿದೆ.
Movie Poster
ಚಿತ್ರದ ಪೋಸ್ಟರ್
Updated on: 

'ರಾಮಾಯಣ' ಚಿತ್ರವು ಕೇರಳಂನಲ್ಲಿ ಐತಿಹಾಸಿಕ ಪ್ರದರ್ಶನ ಕಾಣುವ ಮೂಲಕ ಬಾಕ್ಸ್ ಆಫೀಸ್ ದಾಖಲೆಗಳನ್ನು ಸೃಷ್ಟಿಸುತ್ತಿದೆ. ರಾಮಾಯಣ ಚಿತ್ರವೂ ತನ್ನ ಎರಡನೇ ಸೋಮವಾರದಂದು 3.75 ರಿಂದ 4 ಕೋಟಿ ರೂ.ಗಳನ್ನು ಗಳಿಸಿದೆ. ಕುತೂಹಲಕಾರಿ ಸಂಗತಿಯೆಂದರೆ, 8 ದಿನಗಳಲ್ಲಿ 30 ಕೋಟಿ ಗಳಿಸಿತ್ತು. ಆದರೆ ಸಾಮಾಜಿಕ ಜಾಲತಾಣದಲ್ಲಿ ಜಟಾಯುವಿನ ಕ್ಲಿಪ್ ಗಳು ವೈರಲ್ ಆಗಿದ್ದರಿಂದ ಹೆಚ್ಚಿನ ಸಂಖ್ಯೆಯಲ್ಲಿ ಪ್ರೇಕ್ಷಕರು ಚಿತ್ರಮಂದಿರಗಳತ್ತ ದೌಡಾಯಿಸುತ್ತಿದ್ದಾರೆ. ಹೀಗಾಗಿ ಚಿತ್ರ ಕಳೆದ ನಾಲ್ಕು ದಿನಗಳಲ್ಲಿ 20 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿ ಮುನ್ನುಗುತ್ತಿದೆ.

ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ಕೇವಲ 12 ದಿನಗಳಲ್ಲಿ, ಕೇರಳಂ ಬಾಕ್ಸ್ ಆಫೀಸ್‌ನಲ್ಲಿ ಈ ಚಿತ್ರದ ಒಟ್ಟು ಗಳಿಕೆಯು 50 ಕೋಟಿ ರೂಪಾಯಿ ತಲುಪಿದೆ. ಕೇರಳಂನಲ್ಲಿ 50 ಕೋಟಿ ರೂ.ಗಿಂತ ಹೆಚ್ಚು ಗಳಿಸಿದ ಮೊದಲ ಬಾಲಿವುಡ್ ಚಿತ್ರ ಎಂಬ ಖ್ಯಾತಿಗೆ 'ರಾಮಾಯಣ' ಭಾಜನವಾಗಿದೆ. ವಾಸ್ತವವಾಗಿ, ಹಿಂದಿಯಿಂದ ಡಬ್ ಆದ ಬೇರೆ ಯಾವುದೇ ಚಿತ್ರವೂ ಇಲ್ಲಿಯವರೆಗೆ 20 ಕೋಟಿ ರೂ.ಗಳ ಗಡಿಯನ್ನು ದಾಟಿರಲಿಲ್ಲ. ಪ್ರಸ್ತುತ ಪ್ರವೃತ್ತಿಯನ್ನು ಗಮನಿಸಿದರೆ, ಮುಂದಿನ ದಿನಗಳಲ್ಲಿಯೂ ಈ ಚಿತ್ರವು ಇನ್ನಷ್ಟು ಉತ್ತಮ ಪ್ರದರ್ಶನ ಕಾಣುವ ಸಾಧ್ಯತೆಯಿದೆ.

Movie Poster
ಬಾಕ್ಸ್ ಆಫೀಸ್‌ನಲ್ಲಿ Ramayana ಹೊಸ ದಾಖಲೆ; 11 ದಿನಕ್ಕೆ ವಿಶ್ವಾದ್ಯಂತ ₹1,384 ಕೋಟಿ ಕಲೆಕ್ಷನ್! ಧುರಂದರ್ 2 ದಾಖಲೆ ಪತನ

ಧನುಷ್ ಮತ್ತು ಮಮ್ಮೂಟ್ಟಿ ಅಭಿನಯದ 'O.M Chapter 1' ಬಿಡುಗಡೆಯಾದ ನಂತರವೂ ಇದೇ ವೇಗವನ್ನು ಕಾಯ್ದುಕೊಂಡರೆ ಈ ಚಿತ್ರವು 75 ಕೋಟಿ ರೂ.ಗಳ ಗಡಿಯನ್ನು ದಾಟುವ ಸಾಮರ್ಥ್ಯವನ್ನು ಹೊಂದಿದೆ. ಅಷ್ಟೇ ಅಲ್ಲ, 100 ಕೋಟಿ ರೂ.ಗಳ ಗಡಿಯನ್ನು ತಲುಪುವ ಅತ್ಯುತ್ತಮ ಅವಕಾಶವನ್ನೂ ಹೊಂದಿದೆ.

ಕೇರಳದಲ್ಲಿ 'ರಾಮಾಯಣ' ಚಿತ್ರದ ದಿನವಾರು ಬಾಕ್ಸ್ ಆಫೀಸ್ ಗಳಿಕೆ ವಿವರ ಇಲ್ಲಿದೆ:

1. 3 ಕೋಟಿ ರೂ.

2. 2 ಕೋಟಿ ರೂ.

3. 3.50 ಕೋಟಿ ರೂ.

4. 4.50 ಕೋಟಿ ರೂ.

5. 4.00 ಕೋಟಿ ರೂ.

6. 3.75 ಕೋಟಿ ರೂ.

7. 3.75 ಕೋಟಿ ರೂ.

8. 3.75 ಕೋಟಿ ರೂ.

9. 4.50 ಕೋಟಿ ರೂ.

10. 6.25 ಕೋಟಿ ರೂ.

11. 6.75 ಕೋಟಿ ರೂ.

12. 4 ಕೋಟಿ ರೂ.

ಒಟ್ಟು 50 ಕೋಟಿ ರೂ.

Follow KannadaPrabha channel on WhatsApp

  

Subscribe to KannadaPrabha YouTube Channel and watch Videos

   

Download the KannadaPrabha News app to follow the latest news updates

  

Subscribe and Receive exclusive content and updates on your favorite topics

X