ಕೊಚ್ಚಿ: ನನಗೆ ಮದುವೆಯಾಗಿದೆ ಎಂಬ ಸುದ್ದಿ ಸತ್ಯಕ್ಕೆ ದೂರವಾದುದು. ನನ್ನ ಜೀವನದಲ್ಲಿ ಸಿನಿಮಾಕ್ಕೆ ಮಾತ್ರ ಈಗ ಹೆಚ್ಚು ಪ್ರಾಶಸ್ತ್ಯ. ಒಂದು ಹುಡುಗಿಗೆ ಸಂಬಂಧಿಸಿದಂತೆ ವಿವಾಹ ಎಂಬುದು ದೊಡ್ಡ ವಿಷಯವೇ. ಅಂಥಾ ವಿಷಯಗಳು ನನ್ನ ಜೀವನದಲ್ಲಿ ನಡೆದರೆ ಅದನ್ನು ನಾನು ಜಗತ್ತಿಗೆ ತಿಳಿಸುತ್ತೇನೆ, ಅದು ಬಿಟ್ಟು ರಹಸ್ಯವಾಗಿ ಮದುವೆಯಾಗುವುದಿಲ್ಲ ಎಂದು ನಯನ್ ತಾರಾ ಹೇಳಿದ್ದಾರೆ.
ನಾನು ಮದುವೆಯಾಗಿದ್ದೇನೆ ಎಂಬ ಸುದ್ದಿಯಲ್ಲಿ ಹುರುಳಿಲ್ಲ. ಇಂಥಾ ಸುದ್ದಿಗಳು ನನ್ನ ಮೇಲೆ ಮತ್ತು ನನ್ನ ಸಿನಿಮಾದ ಮೇಲೆ ಪ್ರಭಾವಬೀರುತ್ತವೆ ಎಂದು ನಿರ್ದೇಶಕ ವಿಘ್ನೇಶ್ ಶಿವನ್ ಪ್ರತಿಕ್ರಿಯೆ ನೀಡಿದ್ದಾರೆ. ಅದೇ ವೇಳೆ ಈ ವಿಷಯದಲ್ಲಿ ಮಾಧ್ಯಮಗಳು ಮೂಗು ತೂರಿಸಬೇಡಿ ಎಂದು ವಿಘ್ನೇಶ್ ಹೇಳಿದ್ದಾರೆ
ನಯನ್ ತಾರಾ ಮತ್ತು ವಿಘ್ನೇಶ್ ಶಿವನ್ ಕೇರಳದ ಕೊಚ್ಚಿಯಲ್ಲಿರುವ ಇಗರ್ಜಿಯೊಂದರಲ್ಲಿ ಕದ್ದು ಮುಚ್ಚಿ ವಿವಾಹವಾಗಿದ್ದಾರೆ ಎಂದು ಸುದ್ದಿಯಾಗಿತ್ತು.
