ಬ್ರಾಡ್ ಪಿಟ್ ಜೊತೆ ಸಿನೆಮಾ ಮಾಡಲಿರುವ ದೀಪಿಕಾ?

ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ, ಹಾಲಿವುಡ್ ನ ಜನಪ್ರಿಯ ನಟ ಬ್ರಾಡ್ ಪಿಟ್ ಅವರೊಂದಿಗೆ ಸಿನೆಮಾವೊಂದರಲ್ಲಿ ನಟಿಸಲಿದ್ದಾರೆ ಎನ್ನುತ್ತದೆ ಪಿಂಕ್ ವಿಲ್ಲಾ ವರದಿ. ಇದು ದೀಪಿಕಾ ಅವರ ಹಾಲಿವುಡ್ ನ ಎರಡನೆ ದೊಡ್ಡ ಚಿತ್ರವಾಗಲಿದೆ. ಆದರೆ ಅಧಿಕೃತ ಹೇಳಿಕೆ ಇನ್ನೂ ಹೊರಬೀಳಬೇಕಿದೆ.

ಈಗ ಸದ್ಯಕ್ಕೆ ದೀಪಿಕಾ, ಹಾಲಿವುಡ್ ನಟ ವಿನ್ ಡೀಸೆಲ್ ಜೊತೆಗೆ 'XXX- ದ ರಿಟರ್ನ್ ಆಫ್ ಕ್ಸ್ಯಾಂಡರ್ ಕೇಜ್' ಸಿನೆಮಾದ ಚಿತ್ರೀಕರಣದಲ್ಲಿ ನಿರತರಾಗಿದ್ದಾರೆ. ಈ ಸಿನೆಮಾ ದೀಪಿಕಾ ಅವರಿಗೆ ಹಾಲಿವುಡ್ ನಲ್ಲಿ ಪಾದಾರ್ಪಣಾ ಸಿನೆಮಾ ಆಗಲಿದೆ.

ಕಳೆದ ವರ್ಷವೇ 'ಫಾಸ್ಟ್ ಅಂಡ್ ಫ್ಯೂರಿಯಸ್' ಚಿತ್ರತಂಡದ ಜೊತೆಗೆ ತಮ್ಮ ಹಾಲಿವುಡ್ ಪ್ರವೇಶವನ್ನು ದೀಪಿಕಾ ಪಡುಕೋಣೆ ಘೋಷಿಸಿಕೊಂದಿದ್ದರು, ಅಂದಿನಿಂದಲೂ ಅವರ ಹಾಲಿವುಡ್ ವೃತ್ತಿಜೀವನದ ಬಗ್ಗೆ ಅಭಿಮಾನಿಗಳಿಗೆ ಕುತೂಹಲ ಹೆಚ್ಚಿತ್ತು.