'ಕಬಾಲಿ'ಯ ಮಾಂತ್ರಿಕ ಸೆಳೆತದಲ್ಲಿ ಕಾಲಿವುಡ್; ಕೆಲವೆಡೆ ರಜ; ಕಂಡರಿಯದ ಕಡೆಯಲ್ಲೆಲ್ಲ ಪ್ರದರ್ಶನ;

ಚೆನ್ನೈ: ತಮಿಳು ಸೂಪರ್ ಸ್ಟಾರ್ ರಜನಿಕಾಂತ್ ಅವರ ಬಹುನಿರೀಕ್ಷಿತ ಚಿತ್ರ 'ಕಬಾಲಿ' ಕಾವು ದಿನದಿಂದ ದಿನಕ್ಕೆ ಏರುತ್ತಿದೆ. ಚೆನ್ನೈ ಮತ್ತು ಬೆಂಗಳೂರಿನ ಕೆಲವು ಸ್ಟಾರ್ಟ್-ಅಪ್ ಸಂಸ್ಥೆಗಳು ಬಿಡುಗಡೆಯ ದಿನವಾದ ಶುಕ್ರವಾರ ರಜೆ ಘೋಷಿಸಿದ್ದಾರೆ, ಅಂತರ್ಜಾಲ ಗ್ರಾಹಕರಿಗೆ ಕುಂದು ಕೊರತೆ ನೋಡಿಕೊಳ್ಳುವ ಸಾಫ್ಟ್ವೇರ್ ಸಂಸ್ಥೆಯೊಂದು ತನ್ನ ನೌಕರಿಗಾಗಿ ಇಡೀ ಚಿತ್ರಮಂದಿರವನ್ನೇ ಮುಂಗಡ ಕಾಯ್ದಿರಿಸಿದೆ ಎಂದು ತಿಳಿದುಬಂದಿದೆ. ಮೂಲಗಳ ಪ್ರಕಾರ ಈ ಸಂಸ್ಥೆಯ ಅಧಿಕಾರಿಗಳು ಒಂದು ಪ್ರಮುಖ ಥಿಯೇಟರ್ ಅನ್ನು ಪೂರ್ಣವಾಗಿ ಮುಂಗಡ ಕಾಯ್ದಿರಿಸಲು ಮಾತುಕತೆ ನಡೆಸಿದೆ. 

ಅಲ್ಲದೆ ಕೆಲವು ಕಾರ್ಪೊರೇಟ್ ಸಂಸ್ಥೆಗಳು ತನ್ನ ಸಿಬ್ಬಂದಿಗಳಿಗಾಗಿ ಹಲವಾರು 'ಕಬಾಲಿ' ಆಟಗಳನ್ನು ನಡೆಸಿದೆ. ಒಂದು ಸಂಸ್ಥೆ 'ಸೂಪರ್ ಸ್ಟಾರ್ ವಸ್ತ್ರ ದಿನಾಚರಣೆ' ಆಯೋಜಿಸಿದ್ದು, ನಟನ ವಿವಿಧ ಸಿನೆಮಾಗಳ ಪಾತ್ರಗಳ ಬಟ್ಟೆ ಅನುಕರಿಸಿ ಧರಿಸುವಂತೆ ಸೂಚಿಸಿದೆ. 

ಬೆಂಗಳೂರು, ಚನ್ನೈ ಮತ್ತಿತರ ನಗರಗಳ ಫೈವ್ ಸ್ಟಾರ್ ಹೋಟೆಲ್ ಗಳಲ್ಲೂ ಕೂಡ ಸಿನೆಮಾದ ಪ್ರದರ್ಶನ ಆಯೋಜಿಸಲಿದ್ದು, ಟಿಕೆಟ್ ಬೆಲೆಗಳು 1300 ರೂ ನಿಂದ  ಪ್ರಾರಂಭವಾಗುತ್ತವೆ. 

ತಮಿಳು ನಿರ್ದೇಶಕ ವೆಂಕಟ ಪ್ರಭು ಅವರ ನೂತನವಾಗಿ ಚಾಲನೆ ನೀಡಲಾಗಿರುವ ನಿರ್ಮಾಣ ಸಂಸ್ಥೆ 'ಬ್ಲಾಕ್ ಟಿಕೆಟ್ ಸಂಸ್ಥೆ' ಕೂಡ ಜುಲೈ 22 ಕ್ಕೆ ರಜೆ ಘೋಷಿಸಿದ್ದು, ಇಡೀ ಸಿಬ್ಬಂದು ಜುಲೈ 28 ಕ್ಕೆ ಸಿನೆಮಾ ನೋಡಲು ಟಿಕೆಟ್ ಗಳನ್ನು ಕಾಯ್ದಿರಿಸಲಾಗಿದೆ. 

ಬೆಂಗಳೂರಿನಲ್ಲಿಯೂ 'ಕಬಾಲಿ' ಜ್ವರ ಇದ್ದು ಈಗಾಗಲೇ ಒಂದು ವಾರದವರೆಗೆ ಟಿಕೆಟ್ ಗಳು ಬಿಕರಿಯಾಗಿರುವ ವರದಿಗಳು ಬಂದಿವೆ.