ನವದೆಹಲಿ: ಬಾಲಿವುಡ್ ನಲ್ಲಿ ನಟಿಯಾಗಿ ಸಿಕ್ಕಿದ್ದಕ್ಕಿಂತ ಸಂಸದೆಯಾಗಿಯೇ ಹೆಚ್ಚು ಗೌರವ ಸಿಕ್ಕಿದೆ ಎಂದು ಬಾಲಿವುಡ್ ಡ್ರೀಂಗರ್ಲ್ ಹೇಮಾಮಾಲಿನಿಯವರು ಶುಕ್ರವಾರ ಹೇಳಿದ್ದಾರೆ.
ಈ ಕುರಿತಂತೆ ಸಂದರ್ಶನವೊಂದರಲ್ಲಿ ಮಾತನಾಡಿರುವ ಅವರು, ಸಂಸತ್ ನಲ್ಲಿ ಸದಸ್ಯರಾದರೆ ಹೆಚ್ಚಿನ ಗೌರವ ಸಿಗುತ್ತದೆ. ನಟಿಯಾಗಿ ನಾನು ನನ್ನ ಸ್ವಂತ ಘನತೆಯನ್ನು ಹೊಂದಿದ್ದೇನೆ. ಆದರೆ, ರಾಜಕಾರಣಿಯಾಗಿ ನನ್ನ ಗೌರವ ಹೆಚ್ಚಿದೆಯೇ ಹೊರತು ಕಡಿಮೆಯಾಗಿಲ್ಲ ಎಂದು ಹೇಳಿಕೊಂಡಿದ್ದಾರೆ.
ಇತ್ತೀಚೆಗಷ್ಟೇ ಹೇಮಾಮಾಲಿನಿಯವರು ತಮ್ಮ ನೃತ್ಯ ಅಕಾಡೆಮಿ ನಾಟ್ಯ ವಿಹಾರ ಕಲಾಕೇಂದ್ರ ಚಾರಿಟಿ ಟ್ರಸ್ಟ್ ಗಾಗಿ ಮುಂಬೈಯ ಅಂಧೇರಿಯಲ್ಲಿ ರು. 70,000 ಅಕ್ರಮ ಭೂಮಿಯನ್ನು ಪಡೆದಿದ್ದಾರೆಂಬ ಆರೋಪಗಳು ಕೇಳಿಬಂದಿತ್ತು.
ಈ ಆರೋಪದ ಕುರಿತಂತೆ ಸ್ಪಷ್ಟನೆ ನೀಡಿರುವ ಅವನರು, ಮಹಾರಾಷ್ಟ್ರ ಸರ್ಕಾರ ನನಗೆ ಭೂಮಿಯನ್ನು ನೀಡಿದೆ. ಆದರೆ, ಇದು ದೊಡ್ಡ ವಿವಾದವೇಕೆ ಆಗುತ್ತಿದೆ? ನಾನು ಹೇಮಾಮಾಲಿನಿ ಎಂಬ ಕಾರಣಕ್ಕೆ ಅಲ್ಲ. ಇದು ನಾನು ಸಂಸದೆಯಾಗಿರುವುದಕ್ಕೆ. ಸಂಸದೆಯಾಗಿರುವುದಕ್ಕೆ ಸಮಸ್ಯೆಯುಂಟಾಗುತ್ತಿದೆ ಎಂದು ಹೇಳಿದ್ದಾರೆ.
Advertisement