ಈ ತಿಂಗಳೊಳಗೆ ಮಲ್ಟಿಪ್ಲೆಕ್ಸ್‌‌ಗಳಲ್ಲಿ ಗರಿಷ್ಠ 200 ರು. ಟಿಕೆಟ್ ದರ ನಿಗದಿ ಜಾರಿ: ಸಿದ್ದರಾಮಯ್ಯ

ಬೆಂಗಳೂರು: ಮಲ್ಟಿಪ್ಲೆಕ್ಸ್‌‌ಗಳಲ್ಲಿ ಕನ್ನಡ ಚಿತ್ರಗಳಿಗೆ ಗರಿಷ್ಟ 200 ರುಪಾಯಿ ಟಿಕೆಟ್ ದರ ನಿಗದಿ ಕುರಿತಂತೆ ಈ ತಿಂಗಳೊಳಗೆ ಅಧಿಕೃತ ಆದೇಶ ಹೊರಡಿಸುವುದಾಗಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಹೇಳಿದ್ದಾರೆ. 

ಬಜೆಟ್ ನಲ್ಲಿ ಘೋಷಿಸಿರುವಂತೆ ಕನ್ನಡ ಸಿನಿಮಾಗಳಿಗೆ ಟಿಕೆಟ್ ದರ 200 ರು. ನಿಗದಿ ಆಗಬೇಕಿದೆ. ಟಿಕೆಟ್ ದರ ನಿಗದಿ ಕಾರ್ಯ ತಿಂಗಳೊಳಗೆ ಜಾರಿಯಾಗಲಿದೆ ಎಂದು ರಾಜ್ಯ ಚಲನಚಿತ್ರ ಪ್ರಶಸ್ತಿ ಪ್ರಕಟ ಸಮಾರಂಭದಲ್ಲಿ ಮಾತನಾಡಿದ ಸಿದ್ದರಾಮಯ್ಯನವರು ಹೇಳಿದ್ದಾರೆ. 

ಇನ್ನು ಡಬ್ಬಿಂಗ್ ಸಿನಿಮಾ ಸಂಬಂಧ ಯಾವುದೇ ಸ್ಪಷ್ಟ ನಿಯಮ ಇನ್ನು ರೂಪಿಸಿಲ್ಲ. ಡಾ. ರಾಜ್ ಕುಮಾರ್ ಜನ್ಮದಿನದಂದು ಇದಕ್ಕೆ ಸ್ಪಷ್ಟತೇ ನೀಡಲಾಗುವುದು ಎಂದು ಸಿದ್ದರಾಮಯ್ಯ ಹೇಳಿದ್ದಾರೆ.