ಭಾರತದಲ್ಲಿ ಬಾಹುಬಲಿ 2 ಆರ್ಭಟ: ಮೂರನೇ ದಿನಕ್ಕೆ 383 ಕೋಟಿ ಗಳಿಕೆ!

ಭಾರತೀಯ ಚಿತ್ರರಂಗದ ಬಹು ನಿರೀಕ್ಷಿತ ಬಾಹುಬಲಿ 2 ಚಿತ್ರ ಭಾರತದಾದ್ಯಂತ ಭರ್ಜರಿ ಪ್ರದರ್ಶನದ ಮೂಲಕ ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆದಿದ್ದು ಇತಿಹಾಸ ನಿರ್ಮಿಸಿದೆ. 

ನಿರ್ದೇಶಕ ಎಸ್ಎಸ್ ರಾಜಮೌಳಿ ಕನಸಿನ ಕೂಸು ಬಾಹುಬಲಿ 2 ಮೊದಲ ದಿನ 120 ಕೋಟಿ ರುಪಾಯಿ ಗಳಿಕೆ ಮಾಡಿತ್ತು. ಎರಡನೇ ದಿನವೂ ಬಾಕ್ಸ್ ಆಫೀಸ್ ನಲ್ಲಿ ಮಿಂಚು ಹರಿಸಿದ ಬಾಹುಬಲಿ 2 116 ಕೋಟಿ ಕಲೆಕ್ಷನ್ ಮಾಡಿದೆ. ಮೂರನೇ ದಿನ ಭಾನುವಾರ ಬಾಹುಬಲಿ ಅಬ್ಬರ ಇನ್ನು ಕೊಂಚ ಜೋರಾಗಿದ್ದು 147 ಕೋಟಿ ರುಪಾಯಿ ಕಲೆಕ್ಷನ್ ಮಾಡಿದ್ದು ಭಾರತೀಯ ಚಿತ್ರರಂಗದ ಇತಿಹಾಸದಲ್ಲೇ ಹೊಸ ಮೈಲಿಗಲ್ಲೊಂದು ಸೃಷ್ಟಿ ಮಾಡಿದೆ. 

ಭಾರತದಾದ್ಯಂತ 6500 ಸ್ಕ್ರೀನ್ ಗಳ ಮೇಲೆ ಬಾಹುಬಲಿ 2 ರಾರಾಜಿಸುತ್ತಿದೆ. ಬಿಡುಗಡೆಯಾಗಿರುವ ಎಲ್ಲಾ ಕಡೆ ಶೇಖಡ 95ರಷ್ಟು ಚಿತ್ರಮಂದಿರಗಳು ಭರ್ತಿಯಾಗುತ್ತಿದ್ದು ಬಾಕ್ಸ್ ಆಫೀಕ್ ಕಲೆಕ್ಷನ್ ನಲ್ಲಿ ಶರವೇಗದಲ್ಲಿ ಮುನ್ನುಗ್ಗುತ್ತಿದೆ.