ಬೆಂಗಳೂರು: ಗೋವಾ ಹಲವು ಕನ್ನಡ ಸಿನಿಮಾ ನಿರ್ಮಾಪಕರ ಮೆಚ್ಚಿನ ತಾಣವಾಗಿದೆ. 'ಅದ್ದೂರಿ' ನಿರ್ದೇಶಕ ಎ ಪಿ ಅರ್ಜುನ್ ತಮ್ಮ ಮುಂದಿನ ಕಿಸ್ ಸಿನಿಮಾವನ್ನು ಗೋವಾದ ಸುಂದರ ತಾಣಗಳಲ್ಲಿ ಚಿತ್ರೀಕರಿಸಲು ಮುಂದಾಗಿದ್ದಾರೆ.
ಗೋವಾ ಬೀಚ್ ನಲ್ಲಿ ಕಿಸ್ ಸಿನಿಮಾದ ಶೂಟಿಂಗ್ ನಡೆದಿದ್ದು, ಸಿನಿಮಾ ಸ್ಟಿಲ್ ಗಳು ಸಿಟಿ ಎಕ್ಸ್ ಪ್ರೆಸ್ ಗೆ ಲಭ್ಯವಾಗಿವೆ. ವಿರಾಟ್ ಮತ್ತು ಶ್ರೀಲೀಲಾ ಎಂಬ ಹೊಸ ಮುಖಗಳನ್ನು ಕಿಸ್ ಸಿನಿಮಾ ಮೂಲಕ ಪರಿಚಯಿಸುತ್ತಿದ್ದಾರೆ.
ದಕ್ಷಿಣ ಭಾರತದಲ್ಲಿ ಹಲವು ಬೀಚ್ ಗಳಿವೆ, ಆದರೆ ಗೋವಾ ಬೀಚ್ ಭವ್ಯವಾಗಿದೆ. ಸಿನಿಮಾ ಕಥೆಯಲ್ಲಿ ನಾಯಕ ಶ್ರೀಮಂತ ಕುಟುಂಬದಿಂದ ಬಂದವನಾಗಿರುತ್ತಾನೆ. ಇದನ್ನು ನಾನು ಉತ್ತಮವಾಗಿ ತರಲು ಪ್ರಯತ್ನಿಸಿದ್ದೇನೆ, ಅದಕ್ಕಾಗಿ ನಾನು ಗೋವಾವನ್ನು ಆಯ್ಕೆ ಮಾಡಿಕೊಂಡೆ ಎಂದು ಅರ್ಜುನ್ ಹೇಳಿದ್ದಾರೆ.
12 ಮಂದಿಯ ಸಿನಿಮಾ ತಂಡ ಶೂಟಿಂಗ್ ಗಾಗಿ 10 ದಿನಗಳ ಕಾಲ ಗೋವಾದಲ್ಲಿರಲಿದೆ, ಕೆಲ ಹಾಡು ಮತ್ತು ಸಂಭಾಷಣೆ ಸನ್ನಿವೇಶಗಳನ್ನು ಚಿತ್ರಿಕರಿಸಲಾಗಿದೆ. ರವಿ ವರ್ಮಾ ನೃತ್ಯ ಸಂಯೋಜನೆ ಮಾಡಿದ್ದಾರೆ.
ಆಗಸ್ಟ್ 1 ರಿಂದ ಬೆಂಗಳೂರಿನಲ್ಲಿ ಶೂಟಿಂಗ್ ನಡೆಯಲಿದೆ, ನಂತರ ಊಟಿಯಲ್ಲಿ 10 ದಿನಗಳ ಕಾಲ ಶೂಟಿಂಗ್ ನಡೆಯಲಿದೆ ಎಂದು ಹೇಳಿದ್ದಾರೆ. ವಿ. ರವಿಕುಮಾರ್ ನಿರ್ಮಾಣದ ಸಿನಿಮಾಗೆ ವಿ. ಹರಿಕೃಷ್ಣ ಸಂಗೀತ ಸಂಯೋಜನೆ ಮಾಡಿದ್ದಾರೆ.
