ಮುಂಬೈ: ಬಾಬಾ ರಾಮ್ ದೇವ್ ಜೀವನಚರಿತ್ರೆ ಸರಣಿ 65 ಕಂತುಗಳ ರೂಪದಲ್ಲಿ ಡಿಸ್ಕವರಿಯ ಹಿಂದಿ ಮನರಂಜನಾ ಚಾನೆಲ್ ನಲ್ಲಿ ಪ್ರಸಾರವಾಗಲಿದೆ.
ಭಾರತದಲ್ಲಿ ಡಿಸ್ಕವರಿ ಜೀಟ್ ಹೊಸ ಮನರಂಜನಾ ಧಾರವಾಹಿಯನ್ನು ಆರಂಭಿಸುವ ಯೋಜನೆಯನ್ನು ಡಿಸ್ಕವರಿ ಕಮ್ಯುನಿಕೇಶನ್ಸ್ ಮಂಗಳವಾರ ಘೋಷಿಸಿತು. ಇದು ಈ ವರ್ಷಾಂತ್ಯಕ್ಕೆ ಪ್ರಸಾರ ಆರಂಭವಾಗಲಿದೆ.
ಭಾರತದಲ್ಲಿ ಮೂಲ ಸ್ಥಳೀಯ ಉತ್ಪಾದನೆಗಳಿಗೆ ಬಂಡವಾಳ ಹೂಡುವುದು ಚಾನೆಲ್ ನ ಮಹತ್ವಾಕಾಂಕ್ಷಿ ಫ್ಲಾಗ್ ಶಿಪ್ ಕಾರ್ಯಕ್ರಮವಾಗಿದೆ. ಸತ್ಯ ಅಪರಾಧ ತನಿಖೆಗಳು, ಸಣ್ಣ ಪಟ್ಟಣಗಳ ನಾಯಕರುಗಳು ಮತ್ತು ಸಮಗ್ರ ಬದುಕುಳಿದವರ ಜೀವನ ಚರಿತ್ರೆ ಬಗ್ಗೆ ಕಂತುಗಳ ರೂಪದಲ್ಲಿ ಪ್ರಸಾರ ಮಾಡಲಿದೆ.
ಸ್ವಾಮಿ ಬಾಬಾ ರಾಮ್ ದೇವ್: ದಿ ಅನ್ ಟೋಲ್ಡ್ ಸ್ಟೋರಿ ಜೀವನಾಧಾರಿತ ಸರಣಿಯಾಗಿದ್ದು, ಅನಾಮಧೇಯ ವ್ಯಕ್ತಿ ರಾಷ್ಟ್ರ, ಅಂತಾರಾಷ್ಟ್ರೀಯ ಮಟ್ಟದ ಐಕಾನ್ ಮತ್ತು ವ್ಯಾಪಾರಿಯಾಗಿ ಬೆಳವಣಿಗೆ ಹೊಂದಿದ ವಿಷಯಗಳನ್ನು ಇದರಲ್ಲಿ ವಿವರಿಸಲಾಗುತ್ತದೆ.
ಡಿಸ್ಕವರಿ ಜೀಟ್ ನ್ನು ಆರಂಭಿಸಲು ಬಹಳ ಉತ್ಸುಕರಾಗಿದ್ದೇವೆ. ಅದರಲ್ಲಿ ಹೊಸ ಮಾದರಿಯಲ್ಲಿ ಮನರಂಜನೆ ನೀಡಲಾಗುವುದು. ಸ್ಥಳೀಯ ಶೈಲಿಗೆ ಒತ್ತು ನೀಡಲಾಗುವುದು ಎಂದು ಡಿಸ್ಕವರಿ ನೆಟ್ವರ್ಕ್ಸ್ ಏಷ್ಯಾ ಪೆಸಿಫಿಕ್ ನ ಪ್ರಧಾನ ವ್ಯವಸ್ಥಾಪಕ ಮತ್ತು ಹಿರಿಯ ಉಪಾಧ್ಯಕ್ಷ ಕರಣ್ ಬಜಾಜ್ ತಿಳಿಸಿದ್ದಾರೆ.
