ಬೆಂಗಳೂರು: ನಿರ್ದೇಶಕರುಗಳು, ಕಲಾವಿದರು ಹಾಗೂ ತಂತ್ರಜ್ಞರನ್ನು ಗುರುತಿಸಿ ಅವರ ಪ್ರತಿಭೆಗೆ ಪ್ರೋತ್ಸಾಹ ನೀಡುವಲ್ಲಿ ಸುದೀಪ್ ಯಾವಾಗಲೂ ಮುಂದಿರುತ್ತಾರೆ, ಈಗ ಸದ್ಯ ಸ್ಯಾಂಡಲ್ ವುಡ್ ಗೆ ಸುದೀಪ್ ಗುರುದತ್ತ ಗಾಣಿಗ ಎಂಬ ಹೊಸ ನಿರ್ದೇಶಕನನ್ನು ಪರಿಚಯಿಸುತ್ತಿದ್ದಾರೆ.
ಜಾಕ್ ಮಂಜು ಮೈಸೂರು ಟಾಕೀಸ್ ಅಸೋಸಿಯೇಷನ್ ಮತ್ತು ಕಿಚ್ಚ ಪ್ರೊಡಕ್ಷನ್ ಸಹಯೋಗದಲ್ಲಿ ರೆಬೆಲ್ ಸ್ಟಾರ್ ಅಂಬರೀಷ್ ಅಭಿನಯಿಸುತ್ತಿರುವ ಅಂಬಿ ನಿಂಗ್ ವಯಸ್ಸಾಯ್ತೋ ಸಿನಿಮಾದಲ್ಲಿ ಸುದೀಪ್ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾವನ್ನು ಗುರು ನಿರ್ದೇಶಿಸುತ್ತಿದ್ದಾರೆ.
ಸಂದರ್ಶನವೊಂದರಲ್ಲಿ ಮಾತನಾಡಿದ್ದ ಸುದೀಪ್, ನಿರ್ದೇಶಕ ಯಾರು ಎಂಬುದರ ಬಗ್ಗೆ ಚರ್ಚೆ ನಡೆದಿದೆ ಎಂದು ಹೇಳಿದ್ದರು, ಅಂತಮಿವಾಗಿ ಗುರು ಅವರಿಗೆ ಅವಕಾಶ ನೀಡಲು ನಿರ್ದರಿಸಿದ್ದಾರೆ.
ಪ್ರೊಡಕ್ಷನ್ ಹೌಸ್ ನಿಂದ ಈ ಸಂಬಂಧ ಯಾವುದೇ ಅಧಿಕೃತ ಮಾಹಿತಿ ಬಂದಿಲ್ಲ, ನಿರ್ದೇಶಕ, ಸಿನಿಮಾ ಆರಂಭವಾಗುವ ದಿನಾಂಕ ಎಲ್ಲವನ್ನೂ ಸುದೀಪ್ ಅವರೇ ಬಹಿರಂಗ ಪಡಿಸಲಿದ್ದಾರೆ.
ಮೊದಲ ಬಾರಿಗೆ ನಿರ್ದೇಶನ ಮಾಡುತ್ತಿರುವ ಗುರು ಅವರಿಗೆ ಸಿನಿಮಾ ಬಗ್ಗೆ ಹೆಚ್ಚಿನ ಅಭಿರುಚಿಯಿದ್ದು, ಹಲವು ನಿರ್ದೇಶಕರುಗಳ ಕೆಳಗೆ ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡಿದ್ದಾರೆ. ತಮ್ಮ ಮಾರ್ಗದರ್ಶಕನಿಗೆ ಉತ್ತಮ ಕೆಲಸ ಮಾಡುವ ಮೂಲಕ ಕೃತಜ್ಞತೆ ಸಲ್ಲಿಸಲು ಗುರು ನಿರ್ಧರಿಸಿದ್ದಾರೆ.
ತಮಿಳಿನ ಹಿಟ್ ಸಿನಿಮಾ ಪಂಡಿ ಎಂಬ ಸಿನಿಮಾದ ರಿಮೇಕ್ ಇದಾಗಿದೆ,ಈ ತಿಂಗಳ ಅಂತ್ಯದಲ್ಲಿ ಸಿನಿಮಾ ಸೆಟ್ಟೇರಲಿದ್ದು, ಹೊಸ ನಿರ್ದೇಶಕ ಗುರು ಅವರಿಗೆ ಇದೊಂದು ದೊಡ್ಡ ಸವಾಲಾಗಿದೆ.
