ತಮ್ಮ ಸಿನಿವೃತ್ತಿ ಹಾಗೂ ಜೀವನ ಪಯಣದ ಬಗ್ಗೆ ಹುಟ್ಟುಹಬ್ಬ ಸಂದರ್ಭದಲ್ಲಿ ಮಾತನಾಡಿದ ನಟ ಯಶ್, ತಾವು ಇಲ್ಲಿಯವರೆಗೆ ನಟಿಸಿರುವ ಪ್ರತಿಯೊಂದು ಚಿತ್ರಗಳೂ ಕೂಡ ಅದರದ್ದೇ ಆದ ರೀತಿಯಲ್ಲಿ ತಮ್ಮ ಬೆಳವಣಿಗೆಗೆ ಸಹಕಾರಿಯಾಗಿದೆ. ತಾವು ಎಲ್ಲಿಗೆ ತಲುಪಬೇಕೊ ಅಲ್ಲಿಗೆ ತಲುಪಲು ಪ್ರತಿ ಚಿತ್ರಗಳು ಕೂಡ ಸಹಾಯವಾಗಿದೆ. ಅದು ಕಿರಾತಕ ಆಗಿರಬಹುದು, ಮೊದಲಾ ಸಲ, ರಾಜಧಾನಿ, ಜಾನು ಮಿಸ್ಟರ್ ಅಂಡ್ ಮಿಸ್ಸಸ್ ರಾಮಚಾರಿಯಾಗಿರಬಹುದು ಎಲ್ಲಾ ಚಿತ್ರಗಳು ನನಗೆ ಒಂದಲ್ಲೊಂದು ವಿಷಯವನ್ನು ಕಲಿಸಿವೆ ಎನ್ನುತ್ತಾರೆ.
