ಅನುಪಮ್ ಖೇರ್ ಡಾ. ಮನಮೋಹನ್ ಸಿಂಗ್ ಹಾಗೂ ನವಾಜುದ್ದೀನ್ ಸಿದ್ದಿಕ್ಕಿ ಬಾಳಾ ಠಾಕ್ರೆ ಪಾತ್ರದಲ್ಲಿ ಅಭಿನಯದ ನಂತರ ವಿವೇಕ್ ಓಬೇರಾಯ್ ಪ್ರಧಾನಿ ನರೇಂದ್ರ ಮೋದಿ ಗೆಟಪ್ ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.
ಮೋದಿ ಅವರೇ ಒಪ್ಪಿ ಈ ಚಿತ್ರ ಮಾಡಲು ಅನುಮೋದನೆ ನೀಡಿದ್ದಾರೆ ಎಂಬುದು ಕೆಲ ಮೂಲಗಳಿಂದ ತಿಳಿದುಬಂದಿದೆಯಾದರೂ ಬಿಜೆಪಿ ಇದನ್ನು ನಿರಾಕರಿಸುತ್ತದೆ.
ವಿವೇಕ್ ಓಬೇರಾಯ್ ಮೋದಿ ಪಾತ್ರದಲ್ಲಿ ಅಭಿನಯಿಸುತ್ತಿರುವ ಬಗ್ಗೆ ಪ್ರತಿಕ್ರಿಯಿಸಿದ ಶತ್ರುಘ್ನ ಸಿನ್ಹಾ, ತೆರೆ ಮೇಲೆ ಯಾರೂ ಯಾವುದೇ ಪಾತ್ರದಲ್ಲಿ ಅಭಿನಯಿಸಲು ಜಗತ್ತಿನಲ್ಲಿ ಮುಕ್ತ ಸ್ವಾತಂತ್ರ್ಯವಿದೆ. ಇದಕ್ಕೆ ಯಾವ ಆಕ್ಷೇಪವೂ ಇರುವುದಿಲ್ಲ. ನಾಳೆ ರಾಕಿ ಸಾವಂತ್ ಸೋನಿಯಾಗಾಂಧಿ ಪಾತ್ರ ಮಾಡಲು ನಿರ್ಧರಿಸಬಹುದು, ಯಾರು ತಡೆಯಲು ಸಾಧ್ಯ ? ಪ್ರಧಾನಿ ಮೋದಿ ಆಗಿ ವಿವೇಕ್ ಓಬೇರಾಯ್ ಏಕೆ ಮಾಡಬಾರದು ? ವಿವೇಕ್ ಓಬೇರಾಯ್ ತಂದೆ ಸುರೇಶ್ ಓಬೇರಾಯ್ ಕೂಡಾ ಪ್ರಧಾನಿ ಪಾತ್ರ ಮಾಡಬಹುದು ಎಂದು ಹೇಳಿದ್ದಾರೆ.
ಆದಾಗ್ಯೂ, ಪ್ರಧಾನಿ ಮೋದಿ ರಾಷ್ಟ್ರೀಯ ಹಾಗೂ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಹೆಸರುವಾಸಿಯಾಗಿದ್ದು, ಆ ಹೆಸರಿಗೆ ತಕ್ಕಂತ ನಟರು ಆ ಪಾತ್ರ ಮಾಡಬೇಕಿತ್ತು. ಪ್ರಧಾನಿ ಮೋದಿ ಪಾತ್ರಕ್ಕೆ ನಾನು ಅಥವಾ ನಸಿರುದ್ದೀನ್ ಶಾ ಸೂಕ್ತವಾಗಿತ್ತು. ಅಮಿತಾಬ್ ಬಚ್ಚನ್ ಕೂಡಾ, ಆದರೆ, ಮೋದಿ ಪಾತ್ರ ಮಾಡಲು ಅವರು ತುಂಬಾ ಎತ್ತರದಲ್ಲಿದ್ದಾರೆ ಎಂದು ಶತ್ರುಘ್ನ ಸಿನ್ಹಾ ಹೇಳಿದ್ದಾರೆ.
ವಿವೇಕ್ ಒಬೇರಾಯ್ ಪ್ರಧಾನಿ ಮೋದಿ ಪಾತ್ರದಲ್ಲಿ ಕಾಣಿಸಿಕೊಳ್ಳುವಂತಹ ಕೆಟ್ಟ ದಿನ ಬಂದಿದೆ. ಮೋದಿ ಏನು ಮಾಡಿದ್ದಾರೆ. ಅವರ ಯೋಜನೆಗಳು ಯಾವ ರೀತಿ ಅನುಷ್ಠಾನಕ್ಕೆ ಬಂದಿಲ್ಲ ಎಂಬುದನ್ನು ನೋಡಿದ್ದೇವೆ. ಅವುಗಳೆಲ್ಲಾ ಪ್ರಧಾನಿಯಿಂದಲೇ ಅನುಮೋದನೆ ಪಡೆದಿದ್ದೇವೆಯಾ ? ಅದರ ಬಗ್ಗೆ ಗೊತ್ತಿಲ್ಲ ಎಂದು ಶತ್ರುಘ್ನ ಸಿನ್ಹಾ ಹೇಳಿದ್ದಾರೆ.
Advertisement