ಶಸ್ತ್ರ ಚಿಕಿತ್ಸೆ ನಂತರ ನಟನೆಗೆ ಶಿವಣ್ಣ ಕಮ್ ಬ್ಯಾಕ್: ಭಜರಂಗಿ 2 ಚಿತ್ರೀಕರಣ ಪುನಾರಂಭ!

ಶಸ್ತ್ರ ಚಿಕಿತ್ಸೆ ನಂತರ ಕರುನಾಡ ಚಕ್ರವರ್ತಿ ಶಿವರಾಜ್ ಕುಮಾರ್ ಅವರು ಭಜರಂಗಿ 2 ಚಿತ್ರದ ಚಿತ್ರೀಕರಣದಲ್ಲಿ ಭಾಗಿಯಾಗಲಿದ್ದಾರೆ.

ಹರ್ಷ ನಿರ್ದೇಶನದ ಭಜರಂಗಿ 2 ಚಿತ್ರದ ಚಿತ್ರೀಕರಣ ಪುನರಾರಂಭಗೊಳ್ಳಲಿದೆ. ಜುಲೈ 10ರಂದು ಲಂಡನ್ ನಲ್ಲಿ ಶಿವಣ್ಣ ಭುಜದ ಶಸ್ತ್ರ ಚಿಕಿತ್ಸೆಗೆ ಒಳಗಾಗಿದ್ದರು. ಸದ್ಯ ಚೆನ್ನೈನಲ್ಲಿರುವ ಶಿವಣ್ಣ ಖಾಸಗಿ ಜಾಹಿರಾತೊಂದರಲ್ಲಿ ಭಾಗಿಯಾಗಿದ್ದಾರೆ.

ನಾನು ಶೇಖಡ 70ರಷ್ಟು ಗುಣಮುಖನಾಗಿದ್ದೇನೆ. ನಾಳೆಯಿಂದ ಭಜರಂಗಿ 2 ಚಿತ್ರದ ಚಿತ್ರೀಕರಣದಲ್ಲಿ ಭಾಗಿಯಾಗಲಿದ್ದೇನೆ. ವೈದ್ಯರು ಕೆಲ ತಿಂಗಳು ವಿಶ್ರಾಂತಿ ಪಡೆಯುಂತೆ ಸೂಚಿಸಿದ್ದರು ಎಂದು ಶಿವಣ್ಣ ಹೇಳಿದ್ದಾರೆ.