ಮುಂಬೈ: ಬಾಲಕಿಯೋರ್ವಳಿಗೆ ಲೈಂಗಿಕ ಕಿರುಕುಳ ನೀಡಿದ ಆರೋಪ ಮೇರೆಗೆ ಬಾಲಿವುಡ್ ನಟ ಶಹಬಾಜ್ ಖಾನ್ ವಿರುದ್ಧ ಮುಂಬೈ ಪೊಲೀಸರು ಎಫ್ಐಆರ್ ದಾಖಲಿಸಿಕೊಂಡಿದ್ದಾರೆ.
ಮುಂಬೈನ ಒಶಿವಾರಾ ಪೊಲೀಸ್ ಠಾಣೆಯಲ್ಲಿ ಶಹಬಾಜ್ ಖಾನ್ ವಿರುದ್ಧ ಭಾರತೀಯ ದಂಡ ಸಂಹಿತೆ 354 (ಕ್ರಿಮಿನಲ್ ಮತ್ತು ದೌರ್ಜನ್ಯ) ಮತ್ತು 509ರ ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ ಎಂದು ತಿಳಿದುಬಂದಿದೆ.
ಎಫ್ಐಆರ್ ದಾಖಲಿಸಿಕೊಂಡಿರುವ ಪೊಲೀಸರು ಇದೀಗ ತನಿಖೆ ಆರಂಭಿಸಿದ್ದಾರೆಂದು ವರದಿಗಳು ತಿಳಿಸಿವೆ.
ಶಹಬಾಜ್ ಖಾನ್ ಅವರು ಬಾಲಿವುಡ್ ನಲ್ಲಿ ಹಲವು ಸಿನಿಮಾ ಹಾಗೂ ಧಾರಾವಾಹಿಗಳಲ್ಲಿ ನಟಿಸಿದ್ದಾರೆ. ಯುಗ್, ದಿ ಗ್ರೇಟ್ ಮರಾಠ, ಬೆತಾಳ್ ಪಚಿಸಿ, ಚಂದ್ರಕಾಂತ ಮತ್ತು ದಿ ಸ್ವಾರ್ಡ್ ಆಫ್ ಟಿಪ್ಪು ಸುಲ್ತಾನ್, ರಾಮ್ ಸಿಯಾ ಕೆ ಲವ ಕುಶ, ತೆನಾಲಿ ರಾಮ, ದಾಸ್ತಾನ್-ಇ-ಮೊಹಬತ್ ಸಲೀಮ್ ಅನಾರ್ಕಲಿಯಲ್ಲಿ ನಟಿಸಿದ್ದಾರೆ.
Advertisement