ಹರಿವು, ನಾತಿಚರಾಮಿ ಮತ್ತು ಆಕ್ಟ್ 1978 ಸಿನಿಮಾಗಳ ನಿರ್ದೇಶಕ ಮಂಸೋರೆ ಅವರ ಮುಂದಿನ ಸಿನಿಮಾ 19. 20.21 ರ ಫೋಸ್ಟರ್ ವೊಂದು ಸ್ವಾತಂತ್ರೋತ್ಸವ ದಿನದಂದು ಬಿಡುಗಡೆಯಾಗಿದೆ.
ಮಾನವ ಹಕ್ಕುಗಳ ಉಲ್ಲಂಘನೆ ಕುರಿತ ಚಿತ್ರದಲ್ಲಿ ವ್ಯಕ್ತಿಯೊಬ್ಬ ( ಸಂಪತ್ ಮೈತ್ರೇಯ) ಹಲ್ಲೆಗೊಳಗಾಗಿ, ರಕ್ತದ ಮಡುವಿನಲ್ಲಿ ನೆಲದ ಮೇಲೆ ಬಿದ್ದಿರುವುದನ್ನು ಈ ಫೋಸ್ಟರ್ ಅನಾವರಣಗೊಳಿಸಿದೆ. ಈ ಚಿತ್ರ ಸೂರ್ಯ ಅವರ ಜೈಭೀಮ್ ನಂತೆ ಸತ್ಯ ಘಟನೆಯಾಧಾರಿತವಾದದ್ದು ಎಂದು ಚಿತ್ರ ತಂಡ ಹೇಳಿದೆ.
19.20. 21 ಸಿನಿಮಾದಲ್ಲಿ ಬಾಲಾಜಿ ಮನೋಹರ್, ಎಂ ಡಿ ಪಲ್ಲವಿ, ಶೃಂಗಾ, ಸಂಪತ್ ಮೈತ್ರೇಯಾ, ಅವಿನಾಶ್, ಕೃಷ್ಣ ಹೆಬ್ಬಾಳೆ ಮತ್ತಿತರರು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ದೇವರಾಜ್ ಬ್ಯಾನರ್ ಡಿ ಕ್ರಿಯೇಷನ್ ಈ ಚಿತ್ರವನ್ನು ನಿರ್ಮಾಣ ಮಾಡುತ್ತಿದ್ದು, ಬಿಂದು ಮಾಲಿನಿ ಸಂಗೀತ ಸಂಯೋಜಿಸುತ್ತಿದ್ದಾರೆ.
ಬುಕ್ಕೇಶ್ ಅವರ ಬ್ಯಾಂಕ್ ಗ್ರೌಂಡ್ ಸ್ಕೂರ್ ಇದೆ. ಶಿವು ಬಿಕೆ ಕುಮಾರ್ ಅವರ ಛಾಯಾಗ್ರಹಣವಿರಲಿದೆ. ಮಂಸೋರೆ ಮತ್ತು ವಿರೇಂದ್ರ ಮಲ್ಲಣ್ಣ ಚಿತ್ರಕಥೆ ಬರೆದಿದ್ದು ವಿರೇಂದ್ರ ಮಲ್ಲಣ್ಣ ಮತ್ತು ಅವಿನಾಶ್ ಜಿ ಅವರ ಸಂಭಾಷಣೆ ಇದೆ. ಚಿತ್ರೀಕರಣ ಮುಗಿಸಿರುವ ಚಿತ್ರತಂಡ ಇದೀಗ ಪೋಸ್ಟ್ ಪ್ರೊಢಕ್ಷನ್ ಕಾರ್ಯದಲ್ಲಿ ನಿರತವಾಗಿದೆ.
Advertisement