ಮಧುಸೂಧನ್ ಹವಾಲ್ದಾರ್ ನಿರ್ದೇಶನದ 'ದಾಸವರೇಣ್ಯ ಶ್ರೀ ವಿಜಯ ದಾಸರು' ಚಿತ್ರ ಏಪ್ರಿಲ್ 12ರಂದು ರಾಜ್ಯದಾದ್ಯಂತ ತೆರೆಗೆ ಬರಲು ಸಿದ್ಧವಾಗಿದೆ. ಚಿತ್ರತಂಡ ಇತ್ತೀಚೆಗಷ್ಟೆ ಚಿತ್ರ ಬಿಡುಗಡೆ ದಿನಾಂಕವನ್ನು ಘೋಷಿಸಿತು. ತ್ರಿವಿಕ್ರಮ ಜೋಶಿ ಅವರು ಮುಂಬರುವ ಚಿತ್ರದಲ್ಲಿ ಅಪ್ರತಿಮ ಸಂತ ದಾಸವರೇಣ್ಯ ಶ್ರೀ ವಿಜಯದಾಸರಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ.
ಈ ಕುರಿತು ಮಾತನಾಡುವ ಜೋಶಿ, ಕನ್ನಡ ಚಲನಚಿತ್ರ ಇತಿಹಾಸದಲ್ಲಿ ದಾಸ ಪರಂಪರೆಯ ಮೇಲೆ ಕಡಿಮೆ ಚಿತ್ರಗಳು ಬಂದಿವೆ ಮತ್ತು ರಾಯಚೂರು ಜಿಲ್ಲೆಯು 60 ಕ್ಕೂ ಹೆಚ್ಚು ಪ್ರಖ್ಯಾತ ಹರಿದಾಸ ಸಂತರನ್ನು ಹೊಂದಿದೆ. ಪ್ರತಿಯೊಬ್ಬರೂ ಸಮಾಜಕ್ಕೆ ಗಣನೀಯ ಕೊಡುಗೆ ನೀಡಿದ್ದಾರೆ ಎಂದರು.
ಈ ಹಿಂದೆ 'ಶ್ರೀ ಜಗನ್ನಾಥ ದಾಸರು' ಮತ್ತು 'ಶ್ರೀ ಪ್ರಸನ್ನವೆಂಕಟ ದಾಸರು' ಚಿತ್ರಗಳನ್ನು ಪ್ರಸ್ತುತಪಡಿಸಿದ್ದ ಎಸ್‌ಪಿಜೆ ಮೂವೀಸ್ ಲಾಂಛನ ಇದೀಗ 'ದಾಸವರೇಣ್ಯ ಶ್ರೀ ವಿಜಯ ದಾಸರು' ಚಿತ್ರವನ್ನು ಪ್ರಸ್ತುತಪಡಿಸಲಿದೆ. ಈ ಚಿತ್ರಕ್ಕೆ ತ್ರಿವಿಕ್ರಮ ಜೋಶಿ ಅವರೇ ಬಂಡವಾಳ ಹೂಡಿದ್ದಾರೆ.
'ಚಿತ್ರವು ಭಕ್ತಿ ಆಂದೋಲನದ ಮೇಲೆ ಕೇಂದ್ರೀಕೃತವಾಗಿದೆ. ಇದು ವೀಕ್ಷಕರನ್ನು ಸದ್ಗುಣಗಳ ಕಡೆಗೆ ಪ್ರೇರೇಪಿಸುವ ಗುರಿಯನ್ನು ಹೊಂದಿದೆ. ನಾವು 'ಶ್ರೀ ಜಗನ್ನಾಥ ದಾಸರು ಭಾಗ II' ಅನ್ನು ಸಹ ಮಾಡುತ್ತಿದ್ದೇವೆ. ಇದು ನವೆಂಬರ್‌ನಲ್ಲಿ ಚಿತ್ರಮಂದಿರಗಳಿಗೆ ಬರಲಿದೆ' ಎಂದು ನಿರ್ದೇಶಕ ಮಧುಸೂಧನ್ ಹವಾಲ್ದಾರ್ ಒತ್ತಿಹೇಳುತ್ತಾರೆ.
ಚಿತ್ರದಲ್ಲಿ ಶ್ರೀಲತಾ ಅವರು ವಿಜಯ ದಾಸರ ಪತ್ನಿ ಅರಳಮ್ಮ ಪಾತ್ರದಲ್ಲಿ ನಟಿಸಿದ್ದಾರೆ. ಇವರೊಂದಿಗೆ ಪ್ರಭಂಜನ್ ದೇಶಪಾಂಡೆ ಮತ್ತು ವಿಜಯಾನಂದ ನಾಯಕ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಚಿತ್ರಕ್ಕೆ ವಿಜಯ್ ಕೃಷ್ಣ ಸಂಗೀತ ಸಂಯೋಜಿಸಿದ್ದು, ಜೆಎಂ ಪ್ರಹ್ಲಾದ್ ಚಿತ್ರಕಥೆ ಮತ್ತು ಸಂಭಾಷಣೆಯನ್ನು ಬರೆದಿದ್ದಾರೆ.
Advertisement