ಕನ್ನಡದಲ್ಲಿ ಅತಿದೊಡ್ಡ ರಿಯಾಲಿಟಿ ಶೋ ಬಿಗ್ಬಾಸ್ ಸೀಸನ್ 12 ಸೆಪ್ಟೆಂಬರ್ 28ರಂದು ಸಂಜೆ 6.30ಕ್ಕೆ ಆರಂಭವಾಗಲಿದೆ. ಸ್ಪರ್ಧಿಗಳ ಆಯ್ಕೆ ಈಗಾಗಲೇ ಅಂತಿಮಗೊಂಡಿದೆ. ಬಿಗ್ಬಾಸ್ 12ಕ್ಕೆ ಸಂಬಂಧಿಸಿದಂತೆ ಪ್ರೋಮೊ ಒಂದು ಈಗಾಗಲೇ ಬಿಡುಗಡೆ ಆಗಿದ್ದು ಕಲರ್ಸ್ ಕನ್ನಡ ಪೇಜ್ ನಲ್ಲಿ ಈಗಾಗಲೇ ಬಿಡುಗಡೆಯಾಗಿದೆ.
ಇದೀಗ ಮತ್ತೊಂದು ಪ್ರೋಮೋ ಬಿಡುಗಡೆ ಆಗಿದ್ದು, ಪ್ರೋಮೋನಲ್ಲಿ ಬಿಗ್ಬಾಸ್ ಎಪಿಸೋಡ್ ಪ್ರಸಾರವಾಗುವ ಸಮಯ ಘೋಷಣೆ ಮಾಡಲಾಗಿದೆ. ಪ್ರೋಮೋನಲ್ಲಿ ಸುದೀಪ್ ಆಸಕ್ತಿಕರ ಕಾಗೆ-ನರಿಯ ಕಥೆಯೊಂದನ್ನು ಹೇಳಿದ್ದಾರೆ.
ನಮಗೆಲ್ಲಾ ಗೊತ್ತಿರುವ ಕಾಗೆ-ನರಿ ಕಥೆಯಂತೆ ವಡೆ ನರಿ ಪಾಲಾಗುತ್ತದೆ. ಕಾಗೆ ಅಜ್ಜಿಯಿಂದ ವಡೆಯೊಂದನ್ನು ಪಡೆದು, ಅದನ್ನು ಬಾಯಲ್ಲಿ ಕಚ್ಚಿಕೊಂಡು ಇನ್ನೇನು ತಿನ್ನಬೇಕು ಎಂದಿದ್ದಾಗ ನರಿ ಬಂದು, ಕಾಗೆ, ನೀನು ಚೆನ್ನಾಗಿ ಹಾಡುತ್ತೀಯ, ನನಗಾಗಿ ಹಾಡು ಹಾಡು ಎನ್ನುತ್ತದೆ. ಕಾಗೆ ವಡೆ ಕಚ್ಚಿದ ಬಾಯಿ ತೆರೆದು ಹಾಡಲು ಶುರು ಮಾಡಿದ ಕೂಡಲೇ ವಡೆ ಬಾಯಿಂದ ಜಾರಿ ಬಿದ್ದು ನರಿಯ ಬಾಯಿ ಸೇರುತ್ತದೆ.
ಆದರೆ ಈ ಕತೆಯ ಕ್ಲೈಮ್ಯಾಕ್ಸ್ ನ್ನು ಬದಲಿಸಿ ಹೇಳಿದರು. ಸುದೀಪ್, ನರಿ, ಕಾಗೆಗೆ ಹಾಡು ಎಂದಾಗ, ಆ ಕಾಗೆ ಬಾಯಲ್ಲಿ ಕಚ್ಚಿಕೊಂಡಿದ್ದ ವಡೆಯನ್ನು ಕೆಳಗೆ ಇಟ್ಟು ಅದನ್ನು ಕಾಲಲ್ಲಿ ಹಿಡಿದುಕೊಂಡು ಹಾಡು ಹಾಡುತ್ತದೆಯಂತೆ. ತನ್ನ ಯೋಜನೆ ತಲೆಕೆಳಗಾಗಿದ್ದು ನೋಡಿ ನರಿ ಹೊರಟು ಹೋಗುತ್ತದೆಯಂತೆ. ಹೀಗೆಂದು ಸುದೀಪ್ ಅವರು ಕಾಗೆ-ನರಿಯ ಕತೆಯನ್ನು ಬದಲಾಯಿಸಿ ಹೇಳಿದ್ದಾರೆ.
ಆದರೆ ಹೀಗೆ ಕತೆ ಬದಲಾಯಿಸಲು ಕಾರಣವಿದೆ. ಸುದೀಪ್ ಹೇಳಿರುವಂತೆ, ಈವರೆಗೆ ನಡೆಯದ ರೀತಿಯಲ್ಲಿ ಈ ಬಾರಿ ನಡೆಯಲಿದೆಯಂತೆ. ನಮಗೆ ಗೊತ್ತು ಎಂದುಕೊಂಡಿರುವವರು ಶಾಕ್ ಆಗುವಂತಿರುತ್ತದೆಯಂತೆ ಬಿಗ್ಬಾಸ್ ಸೀಸನ್ 12.
ಬಿಗ್ಬಾಸ್ ಸೀಸನ್ 12 ಪ್ರಸಾರ ಸೆಪ್ಟೆಂಬರ್ 28, ಸಂಜೆ 6:30ಕ್ಕೆ ಆಗಿ ಪ್ರತಿ ದಿನದ ಎಪಿಸೋಡ್ಗಳ ಪ್ರಸಾರ ರಾತ್ರಿ 9:30 ರಿಂದ 10:30ರ ವರೆಗೆ ನಡೆಯಲಿದೆ.
Advertisement
