ಮಗಳ ಅವಧಿಪೂರ್ವ ಜನನದ ಬಗ್ಗೆ ಪ್ರಿಯಾಂಕಾ ಚೋಪ್ರಾ 'ಪ್ರಾಮಾಣಿಕತೆ'ಗೆ ಸಮಂತಾ ರುತ್ ಪ್ರಭು ಶ್ಲಾಘನೆ

ಮುಂಬೈ: 2022ರಲ್ಲಿ ಪ್ರಿಯಾಂಕಾ ಚೋಪ್ರಾ ಜೋನಸ್ ಅವರ ಮಗಳು ಮಾಲ್ಟಿ ಮೇರಿಯ ಅಕಾಲಿಕ ಜನನ ಮತ್ತು ಆ ಸಮಯದಲ್ಲಿ ಘೋಷಣೆಯ ಸುತ್ತಲಿನ ಭಾವನಾತ್ಮಕ ಪ್ರಕ್ಷುಬ್ಧತೆಯ ಬಗ್ಗೆ ಮಾತನಾಡಿದ್ದಕ್ಕಾಗಿ ನಟಿ ಸಮಂತಾ ರುತ್ ಪ್ರಭು ಅವರನ್ನು ಶ್ಲಾಘಿಸಿದ್ದಾರೆ.

ಸಮಂತಾ ತಮ್ಮ ಇನ್‌ಸ್ಟಾಗ್ರಾಂ ಸ್ಟೋರೀಸ್‌ನಲ್ಲಿ ಪ್ರಿಯಾಂಕಾ ಚೋಪ್ರಾ ಅವರ ಇತ್ತೀಚಿನ ಸಂದರ್ಶನದ ಕ್ಲಿಪ್ ಅನ್ನು ರೀಶೇರ್ ಮಾಡಿಕೊಂಡಿದ್ದಾರೆ. ಅದರಲ್ಲಿ ಪ್ರಿಯಾಂಕಾ ತಮ್ಮ ಮಗಳು 27 ವಾರಗಳಲ್ಲಿಯೇ ಜನಿಸಿದ್ದಾಳೆ ಮತ್ತು ದಂಪತಿ ಈ ಸುದ್ದಿಯನ್ನು ಸಾರ್ವಜನಿಕಗೊಳಿಸಲು ಒತ್ತಡಕ್ಕೊಳಗಾಗಿದ್ದೆವು ಎಂದು ಬಹಿರಂಗಪಡಿಸಿದ್ದಾರೆ.

'ತುಂಬಾ ಸುಂದರವಾಗಿದೆ. ಧನ್ಯವಾದಗಳು ಪ್ರಿಯಾಂಕಾ ಚೋಪ್ರಾ. ನಿಮ್ಮ ಪ್ರಾಮಾಣಿಕತೆ ಶಕ್ತಿಶಾಲಿಯಾಗಿದೆ. ಈ ಸಂದರ್ಶನ ಇಷ್ಟವಾಯಿತು' ಎಂದು ಸಮಂತಾ ಬರೆದಿದ್ದಾರೆ.

ಸಂದರ್ಶನದಲ್ಲಿ, ಪ್ರಿಯಾಂಕಾ ಚೋಪ್ರಾ ಅವರು ಅವಧಿಪೂರ್ವ ಜನನದ ಬಗ್ಗೆ ನಂತರ 'ಕಂಗಾಲಾದೆವು' ಮತ್ತು ನಾನು ಮತ್ತು ನನ್ನ ಪತಿ, ಗಾಯಕ ನಿಕ್ ಜೋನಸ್ ಅದಕ್ಕೆ ಸಿದ್ಧರಾಗುವ ಮುನ್ನವೇ ಮಗಳ ಜನನವನ್ನು ಘೋಷಿಸುವಂತಹ ಪರಿಸ್ಥಿತಿ ನಿರ್ಮಾಣವಾಯಿತು ಎಂದು ಬಹಿರಂಗಪಡಿಸಿದರು.

'ಮಗಳು 27 ವಾರಗಳಲ್ಲಿಯೇ ಹೊರ ಬರುತ್ತಿದ್ದಾಳೆ ಎಂದು ನಮಗೆ ತಿಳಿಸಲಾಯಿತು. ಆ ಸುದ್ದಿಯಿಂದ ನಾನು ಭಾವನಾತ್ಮಕವಾಗಿ ಮರಗಟ್ಟಿದೆ. ಹೆರಿಗೆ ಬಗ್ಗೆ ನಮಗೆ ಸಂದೇಶ ಬಂತು. ನಾವು ಸಿದ್ಧರಾಗುವ ಮೊದಲೇ ಆ ಸುದ್ದಿಯನ್ನು ಹಂಚಿಕೊಳ್ಳಬೇಕಾಯಿತು. ನಾವು ಸಿದ್ಧರಾಗಿರಲಿಲ್ಲ ಏಕೆಂದರೆ ಅವಳಿಗೆ ಏನಾಗುತ್ತದೆ ಎಂದು ನಮಗೆ ತಿಳಿದಿರಲಿಲ್ಲ' ಎಂದು ಚೋಪ್ರಾ ಜೋನಾಸ್ ಹೇಳಿದರು.

ನಟಿ ಮತ್ತು ನಿಕ್ ಜೋನಸ್ 2022ರ ಜನವರಿಯಲ್ಲಿ ಸರೋಗೆಸಿ ಮೂಲಕ ಮಾಲ್ತಿ ಮೇರಿಯನ್ನು ಸ್ವಾಗತಿಸಿದರು.

ಸಮಂತಾ ಮತ್ತು ಪ್ರಿಯಾಂಕಾ ಜಾಗತಿಕ 'ಸಿಟಾಡೆಲ್' ಯೂನಿವರ್ಸ್‌ನ ಪ್ರೈಮ್ ವಿಡಿಯೋದ ಒಂದೇ ಸರಣಿಯ ವಿಭಿನ್ನ ಅಧ್ಯಾಯಗಳಲ್ಲಿ ಏಜೆಂಟ್‌ಗಳ ಪಾತ್ರವನ್ನು ನಿರ್ವಹಿಸುತ್ತಾರೆ.