ಮಂಡಿ ನೋವಿನಿಂದಾಗಿ ಟಿ20 ವಿಶ್ವಕಪ್‌ನಿಂದ ಲಸಿತ್ ಮಾಲಿಂಗ ಔಟ್

ಮುಂಬೈ: ತೀವ್ರ ಮಂಡಿ ನೋವಿನಿಂದ ಬಳಲುತ್ತಿರುವ ಶ್ರೀಲಂಕಾದ ವೇಗಿ ಲಸಿತ್ ಮಾಲಿಂಗ ಅವರು ಟಿ20 ವಿಶ್ವಕಪ್‌ನಿಂದ ಹೊರಬಿದ್ದಿದ್ದಾರೆ.

ಕಳೆದ ಬಾರಿಯ ಟಿ20 ವಿಶ್ವಕಪ್ ನಲ್ಲಿ ಮಾರಕ ಬೌಲಿಂಗ್ ನಿಂದಾಗಿ ಶ್ರೀಲಂಕಾ ಚಾಂಪಿಯನ್ ಆಗಿದ್ದರು. ಆದರೆ ಇದೀಗ ಮಾಲಿಂಗ ಅವರ ಅನುಪಸ್ಥಿತಿಯಿಂದ ಹಾಲಿ ಚಾಂಪಿಯನ್ ಶ್ರೀಲಂಕಾಕ್ಕೆ ಪ್ರಬಲ ಹೊಡೆತ ಬಿದ್ದಂತಾಗಿದೆ.

ಲಸಿತ್ ಮಾಲಿಂಗ ಆಫ್ಗಾನಿಸ್ತಾನ ವಿರುದ್ಧದ ಪಂದ್ಯದ ಮೊದಲು ಅವರ ಗಾಯ ತೀವ್ರಗೊಂಡಿತು. ಇದರಿಂದ ಅವರು ವಿಶ್ವಕಪ್ ನಲ್ಲಿ ಆಡುವುದಿಲ್ಲ. ಅವರು ಶುಕ್ರವಾರವೇ ಶ್ರೀಲಂಕಾಕ್ಕೆ ಪ್ರಯಾಣಿಸಲಿದ್ದಾರೆ ಎಂದು ವಕ್ತಾರರು ತಿಳಿಸಿದ್ದಾರೆ.