ಟಿ20ಯಲ್ಲಿ 10 ಸಾವಿರ ರನ್ ಗಳಿಸಿದ ವಿಶ್ವದ ಮೊದಲ ಆಟಗಾರ ಕ್ರಿಸ್ ಗೇಯ್ಲ್!

ರಾಜ್ ಕೋಟ್: ಗುಜರಾತ್ ಲಯನ್ಸ್ ತಂಡದ ವಿರುದ್ಧ ಮಂಗಳವಾರ ನಡೆದ ಐಪಿಎಲ್ ಪಂದ್ಯದಲ್ಲಿ ವಿಂಡೀಸ್ ದೈತ್ಯ ಕ್ರಿಸ್ ಗೇಯ್ಲ್ ಭರ್ಜರಿ ಬ್ಯಾಟಿಂಗ್ ಮಾಡುವ ಮೂಲಕ ಹೊಸ ದಾಖಲೆಯೊಂದನ್ನು ಬರೆದಿದ್ದಾರೆ.

ಈ ಹಿಂದೆ ಟಿ20 ಮಾದರಿ ಕ್ರಿಕೆಟ್ ನಲ್ಲಿ ಅತೀ ಹೆಚ್ಚು ರನ್ ಗಳಿಸಿದ ಮೊದಲ ಆಟಗಾರ ಎಂಬ ಕೀರ್ತಿಗೆ ಭಾಜನಾರಾಗಿದ್ದ ಕ್ರಿಸ್ ಗೇಯ್ಲ್ ಇದೀಗ ಟಿ20 ಮಾದರಿ ಕ್ರಿಕೆಟ್ ನಲ್ಲಿ 10 ಸಾವಿರ ರನ್ ಪೂರೈಸಿದ ವಿಶ್ವದ ಮೊದಲ ಕ್ರಿಕೆಟಿಗ ಎಂಬ ಕೀರ್ತಿಗೆ ಭಾಜನರಾಗಿದ್ದಾರೆ. ಗುಜರಾತ್ ಲಯನ್ಸ್  ತಂಡದ ವಿರುದ್ಧ 77 ರನ್ ಸಿಡಿಸಿದ ಗೇಯ್ಲ್ ಚುಟುಕು ಕ್ರಿಕೆಟ್ ನಲ್ಲಿ 10 ಸಾವಿರ ರನ್ ಗಡಿದಾಟಿದ್ದಾರೆ. 

ಆ ಮೂಲಕ ಪಟ್ಟಿಯಲ್ಲಿ ಗೇಯ್ಲ್ ಅಗ್ರ ಸ್ಥಾನದಲ್ಲಿದ್ದು, 7524 ರನ್ ಗಳಿಸಿರುವ ನ್ಯೂಜಿಲೆಂಡ್ ತಂಡದ ಆಟಗಾರ ಮೆಕ್ಕಲಮ್ 2ನೇ ಸ್ಥಾನದಲ್ಲಿದ್ದಾರೆ. ಇನ್ನು 6665 ರನ್ ಗಳಿಸಿರುವ ವಿರಾಟ್  ಕೊಹ್ಲಿ ಕೂಡ ಪಟ್ಟಿಯಲ್ಲಿದ್ದು, ಕೊಹ್ಲಿ 8ನೇ ಸ್ಥಾನದಲ್ಲಿದ್ದರೆ, 6566 ರನ್ ಗಳಿಸಿರುವ ಸುರೇಶ್ ರೈನಾ 9ನೇ ಸ್ಥಾನದಲ್ಲಿದ್ದಾರೆ.