ಮಳೆಯಿಂದಾಗಿ ಆಸೀಸ್-ಬಾಂಗ್ಲಾ ಪಂದ್ಯ ರದ್ದು, ಉಭಯ ತಂಡಗಳಿಗೂ 1 ಅಂಕ

ಲಂಡನ್: ಮಳೆಯಿಂದಾಗಿ ಆಸ್ಟ್ರೇಲಿಯಾ ಹಾಗೂ ಬಾಂಗ್ಲಾದೇಶ ನಡುವಿನ ಪಂದ್ಯ ರದ್ದಾಗಿದ್ದು ಉಭಯ ತಂಡಗಳಿಗೂ ತಲಾ ಒಂದು ಅಂಕ ನೀಡಲಾಗಿದೆ. 

ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಬಾಂಗ್ಲಾದೇಶ 44.3 ಓವರ್ ನಲ್ಲಿ 182 ರನ್ ಗಳಿಗೆ ಸರ್ವಪತನ ಕಂಡಿತು. ತಮೀಮ್ ಇಕ್ಬಾಲ್ 95 ರನ್ ಮತ್ತು ಶಕೀಬ್ ಅಲ್ ಹಸನ್ 29 ರನ್ ಬಿಟ್ಟರೆ ಮತ್ಯಾವ ಆಟಗಾರ ಎರಡಂಕಿ ದಾಟಲಿಲ್ಲ. 

ಬಾಂಗ್ಲಾದೇಶ ನೀಡಿದ ಅಲ್ಪ ಮೊತ್ತದ 183 ರನ್ ಗುರಿ ಬೆನ್ನಟ್ಟಿದ ಆಸ್ಟ್ರೇಲಿಯಾಗೆ ಮಳೆರಾಯ ಅಡ್ಡಿ ಪಡಿಸಿದ. ಆಸ್ಟ್ರೇಲಿಯಾ 16 ಓವರ್ ಗಳಲ್ಲಿ 1 ವಿಕೆಟ್ ನಷ್ಟಕ್ಕೆ 83 ರನ್ ಗಳಿಸಿತ್ತು. ಆದರೆ ಈ ವೇಳೆ ಮಳೆ ಬಂದಿದ್ದು ಪಂದ್ಯ ನಿಂತಿದ್ದರಿಂದ ಪಂದ್ಯವನ್ನು ರದ್ದು ಮಾಡಿ ಉಭಯ ತಂಡಗಳಿಗೂ ತಲಾ ಒಂದು ಅಂಕ ನೀಡಲಾಗಿದೆ.