ಕಳೆದ ಹದಿನೈದು ವರ್ಷಗಳಿಂದ ಕರ್ನಾಟಕ ರಣಜಿ ತಂಡವನ್ನು ಪ್ರತಿನಿಧಿಸಿದ್ದ ರಾಬಿನ್ ಉತ್ತಪ್ಪ ಇದೀಗ ಕರ್ನಾಟಕ ತಂಡವನ್ನು ತೊರೆದು ಕೇರಳ ತಂಡವನ್ನು ಸೇರಿಕೊಳ್ಳಲಿದ್ದಾರೆ ಎಂಬ ಮಾಹಿತಿ ಉನ್ನತ ಮೂಲಗಳಿಂದ ತಿಳಿದುಬಂದಿದೆ.
ಕೇರಳ ಕ್ರಿಕೆಟ್ ಅಸೋಸಿಯೇಷನ್(ಕೆಸಿಎ) ಕಾರ್ಯದರ್ಶಿ ಜಯೇಶ್ ಜಾರ್ಜ್ ಎಂಬುವರು ಐಎಎನ್ಎಸ್ ಜತೆ ಮಾತನಾಡಿ, ರಾಬಿನ್ ಉತ್ತಪ್ಪ ಅವರು ಕರ್ನಾಟಕ ತಂಡವನ್ನು ತೊರೆಯುವ ಚಿಂತನೆ ನಡೆಸಿದ್ದು ಕೆಸಿಎ ಜತೆಗಿನ ಒಪ್ಪಂದಕ್ಕೆ ಸಹಿ ಹಾಕಲಿದ್ದಾರೆ ಎಂದರು ಹೇಳಿದರು.
ಸದ್ಯ ರಾಬಿನ್ ಉತ್ತಪ್ಪ ಅವರು ವಿದೇಶದಲ್ಲಿರುವುದರಿಂದ ಅವರು ಮರಳಿದ ನಂತರ ನಾವು ಅವರ ಉತ್ತರವನ್ನು ಕೇಳಲು ನಿರೀಕ್ಷಿಸಿದ್ದೇವೆ. ಇನ್ನು ಅವರು ಕೇರಳ ಪರವಾಗಿ ಆಡುತ್ತಾರೆ ಎಂಬ ಭರವಸೆ ಇದೆ ಎಂದು ಜಯೇಶ್ ಜಾರ್ಜ್ ಹೇಳಿದ್ದಾರೆ.
ರಾಬಿನ್ ಉತ್ತಪ್ಪ ಅವರಿಗೆ ಕೇರಳಕ್ಕೂ ಸಂಬಂಧವಿದೆ. ಉತ್ತಪ್ಪ ಅವರ ತಾಯಿ ಕೇರಳ ಮೂಲದವರು. ತಂದೆ ಕೊಡಗಿನವರು.
