ಕೊಹ್ಲಿ ವೇತನದ ಶೇ. 60ರಷ್ಟು ವೇತನಕ್ಕೆ ಕುಂಬ್ಳೆ ಬೇಡಿಕೆ!

ನವದೆಹಲಿ: ಟೀಂ ಇಂಡಿಯಾದ ಮಾಜಿ ಕೋಚ್ ಅನಿಲ್ ಕುಂಬ್ಳೆ ಅವರು ತಂಡದ ನಾಯಕನ ವೇತನದ ಶೇಖಡ 60ರಷ್ಟು ಭಾಗ ಮುಖ್ಯ ಕೋಚ್ಗೆ ನೀಡಬೇಕು ಎಂಬ ಬೇಡಿಕೆ ಇಟ್ಟಿದ್ದರು ಎಂದು ವರದಿಯಾಗಿದೆ. 

ಅನಿಲ್ ಕುಂಬ್ಳೆ ಅವರು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(ಬಿಸಿಸಿಐ)ಗೆ 19 ಪುಟಗಳ ಪ್ರಸ್ತಾಪ ಸಲ್ಲಿಸಿದ್ದು ಅದರಲ್ಲಿ ಟೀಂ ಇಂಡಿಯಾದ ನಾಯಕ ಪಡೆಯುತ್ತಿರುವ ವಾರ್ಷಿಕ ವೇತನದಲ್ಲಿ ಶೇಕಡ 60ರಷ್ಟು ಮುಖ್ಯ ಕೋಚ್ ಗಳಿಗೆ ನೀಡಬೇಕು ಎಂದು ಮನವಿ ಸಲ್ಲಿಸಿದ್ದರು. 

ಇಂಡಿಯನ್ ಪ್ರಿಮಿಯರ್ ಲೀಗ್(ಐಪಿಎಲ್) ಪಂದ್ಯಾವಳಿಯ ಫೈನಲ್ ಪಂದ್ಯ ಮೇ 21ರಂದು ನಡೆದಿದ್ದು ಅಂದು ಅನಿಲ್ ಕುಂಬ್ಳೆ ನಿರ್ವಾಹಕ ಸಮಿತಿ(ಸಿಒಎ) ಪ್ರಸ್ತಾವನೆಯನ್ನು ಸಲ್ಲಿಸಿದ್ದರು. ಅದರಲ್ಲಿ ಆಟಗಾರರಿಗೆ ಫಿಟ್ನೆಸ್ ಗಾಗಿ ಶೇಕಡ 20ರಷ್ಟು ಹೆಚ್ಚುವರಿ ವೇತನ. ಜತೆಗೆ ತಂಡದ ಬೆಂಬಲ ಸಿಬ್ಬಂದಿಗೂ ವೇತನ ಹೆಚ್ಚಿಸುವಂತೆ ಕುಂಬ್ಳೆ ಮನವಿ ಮಾಡಿದ್ದರು. 

ಮುಖ್ಯ ಕೋಚ್ ಗೆ 6.5 ಕೋಟಿ ವೇತನ ನೀಡುತ್ತಿದ್ದು ಅದನ್ನು 7.5 ಕೋಟಿಗೆ ಹೆಚ್ಚಿಸಬೇಕು. ಇನ್ನು ಶೇಕಡ 30ರಷ್ಟು ವೇತನ ಬೌನಸ್ ಮತ್ತು ತಂಡದ ಉತ್ತಮ ಪ್ರದರ್ಶನ ಅನ್ವಯ ನೀಡಬೇಕು ಎಂದು ಕುಂಬ್ಳೆ ಪ್ರಸ್ತಾವನೆಯಲ್ಲಿ ತಿಳಿಸಿದ್ದರು.