ಕೋಚ್ ಹುದ್ದೆ: ವೀರೇಂದ್ರ ಸೆಹ್ವಾಗ್ ಮೂರ್ಖತನದ ಹೇಳಿಕೆ ಎಂದು ಹೇಳಿಲ್ಲ- ಗಂಗೂಲಿ

ಕೋಲ್ಕತ್ತಾ: ಟೀಂ ಇಂಡಿಯಾದ ಮಾಜಿ ಕ್ರಿಕೆಟಿಗ ವೀರೇಂದ್ರ ಸೆಹ್ವಾಗ್ ಮೂರ್ಖನಂತೆ ಮಾತನಾಡಿದ್ದಾರೆ ಎಂದು ನಾನು ಹೇಳಿಕೆಯೇ ನೀಡಿಲ್ಲ ಎಂದು ಟೀಂ ಇಂಡಿಯಾದ ಮಾಜಿ ನಾಯಕ ಸೌರವ್ ಗಂಗೂಲಿ ಸ್ಪಷ್ಟಪಡಿಸಿದ್ದಾರೆ. 

ಟೀಂ ಇಂಡಿಯಾ ಪ್ರಧಾನ ಕೋಚ್ ಹುದ್ದೆ ಆಯ್ಕೆ ಸಂಬಂಧ ಆಯ್ಕೆದಾರರ ಜತೆ ನಾನು ಸೆಟ್ಟಿಂಗ್ ಮಾಡಿಕೊಂಡಿರಲಿಲ್ಲ. ಆದ ಕಾರಣ ಹುದ್ದೆ ನನ್ನ ಕೈ ತಪ್ಪಿತ್ತು ಎಂದು ಸೆಹ್ವಾಗ್ ಹೇಳಿದ್ದರು.  ಇದಕ್ಕೆ ಗಂಗೂಲಿ ಸೆಹ್ವಾಗ್ ಮೂರ್ಖನಂತೆ ಮಾತನಾಡಿದ್ದಾರೆ. ಅದಕ್ಕೆ ಪ್ರತಿಕ್ರಿಯಿಸುವ ಅಗತ್ಯವಿಲ್ಲ ಎಂದು ಹೇಳಿದ್ದಾರೆ ಎನ್ನುವ ಸುದ್ದಿ ಎಲ್ಲೆಡೆ ಹರಿದಾಡಿತ್ತು. 

ಇದಾದ ಬಳಿಕ ಗಂಗೂಲಿ ನಾನು ಸೆಹ್ವಾಗ್ ಬಗ್ಗೆ ಆ ರೀತಿಯ ಹೇಳಿಕೆ ನೀಡಿಲ್ಲ. ಸೆಹ್ವಾಗ್ ನಾನು ಒಳ್ಳೆಯ ಸ್ನೇಹಿತರು. ಶೀಘ್ರದಲ್ಲೇ ಸೆಹ್ವಾಗ್ ರೊಂದಿಗೆ ಈ ಕುರಿತು ಮಾತನಾಡುತ್ತೇನೆ ಎಂದು ಹೇಳಿದ್ದಾರೆ.