ಲಂಡನ್: ಟೀಂ ಇಂಡಿಯಾದ ನಾಯಕ ವಿರಾಟ್ ಕೊಹ್ಲಿ ಇಂಗ್ಲೆಂಡ್ ವಿರುದ್ಧದ ಮೂರನೇ ಟೆಸ್ಟ್ ಪಂದ್ಯದ ಎರಡನೇ ಇನ್ನಿಂಗ್ಸ್ ನಲ್ಲಿ 23ನೇ ಶತಕ ಸಿಡಿಸಿ ದಾಖಲೆ ಬರೆದಿದ್ದಾರೆ.
ವಿರಾಟ್ ಕೊಹ್ಲಿ ಶತಕ ಸಿಡಿಸಿ ಮೈದಾನದಲ್ಲೇ ಸಂಭ್ರಮಪಟ್ಟರು. ನಂತರ ಪತ್ನಿ ಕುಳಿತ್ತಿದ್ದ ಕಡೆ ತಿರುಗಿ ಬ್ಯಾಟ್ ಗೆ ಕಿಸ್ ಮಾಡಿ ಮಡದಿಗೆ ತೋರಿಸಿದರು. ಈ ವೇಳೆ ಎದ್ದು ನಿಂತಿದ್ದ ಅನುಷ್ಕಾ ಸಹ ಚಪ್ಪಾಳೆ ಸಿಡಿಸುತ್ತಾ ಪತಿ ವಿರಾಟ್ ಕೊಹ್ಲಿಗೆ ಫ್ಲೈಯಿಂಗ್ ಕಿಸ್ ನೀಡಿದರು.
ವಿರುಷ್ಕಾ ದಂಪತಿಯ ಕಿಸ್ ಎಕ್ಸೆಂಜ್ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಭಾರತ-ಇಂಗ್ಲೆಂಡ್ ನಡುವಿನ ಮೂರನೇ ಟೆಸ್ಟ್ ಪಂದ್ಯ ನಾಟಿಂಗ್ ಹ್ಯಾಮ್ ನಲ್ಲಿ ನಡೆಯುತ್ತಿದೆ. ಸದ್ಯ ನಾಲ್ಕನೇ ದಿನದಾಟ ಪ್ರಾರಂಭವಾಗಿದ್ದು ಇಂಗ್ಲೆಂಡ್ 2 ವಿಕೆಟ್ ನಷ್ಟಕ್ಕೆ 61 ರನ್ ಪೇರಿಸಿದೆ. ಇನ್ನು ಇಂಗ್ಲೆಂಡ್ ಗೆಲುವಿನ ನಗೆ ಬೀರಲು 460 ರನ್ ಬಾರಿಸಬೇಕಿದೆ.
