ಮೊಹಮ್ಮದ್ ಶಮಿ ವಿಚ್ಛೇದಿತ ಹಸಿನ್ ಜಹಾನ್ ಮೋಹ ಪಾಶಕ್ಕೆ ಬಿದ್ದಿದ್ದು ಹೇಗೆ?

ನವದೆಹಲಿ: ಟೀಂ ಇಂಡಿಯಾದ ವೇಗಿ ಮೊಹಮ್ಮದ್ ಶಮಿ ಪ್ರಕರಣ ಇದೀಗ ದೇಶಾದ್ಯಂತ ಹೆಚ್ಚು ಚರ್ಚೆಗೆ ಗ್ರಾಸವಾಗಿದ್ದು ಶಮಿ ಮೇಲೆ ಪತ್ನಿ ಹಸಿನ್ ಜಹಾನ್ ಅತ್ಯಾಚಾರ, ಕೊಲೆ ಯತ್ನ ಪ್ರಕರಣಗಳನ್ನು ದಾಖಲಿಸಿದ್ದಾರೆ. 

ಬಾಲಿವುಡ್ ನಟಿಯ ಮೋಹ ಪಾಶಕ್ಕೆ ಸಿಲುಕಿರುವ ಮೊಹಮ್ಮದ್ ಶಮಿ ಅವರು ಪತ್ನಿ ಹಸಿನ್ ಜಹಾನ್ ಗೆ ಕಿರುಕುಳ ನೀಡುತ್ತಿದ್ದಾರೆ ಎಂದು ಆರೋಪಿಸಲಾಗಿದೆ. ಅಷ್ಟಕ್ಕೂ ಹಸಿನ್ ಜಹಾನ್ ಯಾರು ಗೊತ್ತಾ? ಶಮಿ ಜತೆ ಮದುವೆಗೂ ಮುನ್ನ ಹಸಿನ್ ಮತ್ತೊಬ್ಬರೊಂದಿಗೆ ವಿವಾಹವಾಗಿದ್ದರು. ದಂಪತಿಗೆ ಇಬ್ಬರು ಹೆಣ್ಣು ಮಕ್ಕಳಿದ್ದರು. ಮೊದಲ ಪತಿಗೆ ವಿಚ್ಛೇದನ ನೀಡಿದ್ದ ಹಸಿನ್ ಜಹಾನ್ 2014ರಲ್ಲಿ ಮೊಹಮ್ಮದ್ ಶಮಿ ಜತೆ ವಿವಾಹವಾಗಿದ್ದರು. 

ಕೋಲ್ಕತ್ತಾ ಮೂಲದ ಹಸಿನ್ ಜಹಾನ್ ಮಾಡೆಲ್ ಆಗಿ ತಮ್ಮ ವೃತ್ತಿ ಜೀವನಕ್ಕೆ ಕಾಲಿಟ್ಟರು. ಆರಂಭದಲ್ಲಿ ಕೊಲ್ಕತ್ತಾದ ಪರ ಚಿಯರ್ ಗರ್ಲ್ ಆಗಿದ್ದರು. 2012ರ ಐಪಿಎಲ್ ವೇಳೆ ಇಬ್ಬರ ನಡುವೆ ಪ್ರೇಮಾಂಕುರವಾಗಿತ್ತು. ಈ ಜೋಡಿ ಎರಡು ವರ್ಷಗಳ ಕಾಲ ಡೇಟಿಂಗ್ ನಡೆಸಿ ನಂತರ 2014ರಲ್ಲಿ ಮದುವೆಯಾಗಿದ್ದರು. ಶಮಿ ಮತ್ತು ಜಹಾನ್ ದಂಪತಿಗೆ ಗಂಡು ಮತ್ತು ಹೆಣ್ಣು ಮಗುವಿದೆ.