ಚೊಚ್ಚಲ ಮಹಿಳಾ ಐಪಿಎಲ್: ಕೊನೆಯ ಎಸೆತದಲ್ಲಿ ರೋಚಕ ಗೆಲುವು ಸಾಧಿಸಿದ ಸೂಪರ್ ನೋವಾಸ್

ಮುಂಬೈ: ಪುರುಷರ ಇಂಡಿಯನ್ ಪ್ರಿಮಿಯರ್ ಲೀಗ್(ಐಪಿಎಲ್) ಭರ್ಜರಿ ಯಶಸ್ಸಿನಿಂದಾಗಿ ಇದೀಗ ಮಹಿಳಾ ಐಪಿಎಲ್ ಆರಂಭಿಸುವ ಮೊದಲ ಹೆಜ್ಜೆಯೆಂಬಂತೆ ಪ್ರಯೋಗಾತ್ಮಕವಾಗಿ ನಡೆದ ಪಂದ್ಯದಲ್ಲಿ ಟ್ರಯಲ್ ಬ್ಲೇಜರ್ಸ್ ವಿರುದ್ಧ ಸೂಪರ್ ನೋವಾಸ್ ತಂಡ ಭರ್ಜರಿ ಗೆಲುವು ದಾಖಲಿಸಿದೆ. 

ವಾಂಖೆಡೆ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಸ್ಮೃತಿ ಮಂದಾನ ನೇತೃತ್ವದ ಟ್ರಯಲ್ ಬ್ಲೇಜರ್ಸ್ ವಿರುದ್ಧ ಹರ್ಮನ್ ಪ್ರೀತ್ ಕೌರ್ ನಾಯಕತ್ವದ ಸೂಪರ್ ನೋವಾಸ್ ತಂಡ ಮೂರು ವಿಕೆಟ್ ಗಳ ಅಂತರದ ರೋಚಕ ಗೆಲುವು ದಾಖಲಿಸಿದೆ. 

ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಟ್ರಯಲ್ ಬ್ಲೇಜರ್ಸ್ ನಿಗದಿತ ಓವರ್ ನಲ್ಲಿ ಆರು ವಿಕೆಟ್ ನಷ್ಟಕ್ಕೆ 129 ರನ್ ಗಳಿಸಿತು. 130 ರನ್ ಗಳ ಗುರಿ ಬೆನ್ನಟ್ಟಿದ ಸೂಪರ್ ನೋವಾಸ್ ತಂಡ ಕೊನೆಯ ಎಸೆತದಲ್ಲಿ ಗೆಲುವು ಸಾಧಿಸಿದೆ.

ಟ್ರಯಲ್ ಬ್ಲೇಜರ್ಸ್ ಪರ ಸ್ಮೃತಿ ಮಂದಾನ 14, ಬ್ಯಾಟ್ಸ್ 32, ರೋಡ್ರಿಗಸ್ 25 ರನ್ ಗಳಿಸಿದ್ದಾರೆ. 

ಸೂಪರ್ ನೋವಾಸ್ ಪರ ಮಿಥಾಲಿ ರಾಜ್ 22, ಡೇನಿಯೆಲ್ ವ್ಯಾಟ್ 24, ಹರ್ಮನ್ ಪ್ರೀತ್ ಕೌರ್ 21, ಸೋಫೀ ಡಿವೈನ್ 19 ರನ್ ಗಳಿಸಿದ್ದಾರೆ. ಇನ್ನು 13 ರನ್ ಗಳಿಸಿ ಅಜೇಯರಾಗಿ ಉಳಿದಿದ್ದ ಎಲೀಸ್ ಪೆರಿ ಅಂತಿಮ ಎಸೆತದಲ್ಲಿ ರೋಚಕ ಗೆಲುವು ದಾಖಲಿಸಿಕೊಟ್ಟರು.