ಗೆಲುವಿನ ನಂತರ ಗಾಯದ ನಡುವೆಯೂ ಅದ್ಭುತ ಇನಿಂಗ್ಸ್ ಕಟ್ಟಿದ ವಾಟ್ಸನ್ ಸಂತೋಷಕ್ಕೆ, ಪಾರವೇ ಇರಲಿಲ್ಲ. ಫೈನಲ್ ಪಂದ್ಯದಲ್ಲಿ ವಾಟ್ಸನ್ ಸಿಡಿಸಿದ ಸೆಂಚುರಿ ಎಲ್ಲರ ಗಮನ ಸೆಳೆಯಿತಾದರೂ, ಈ ಶತಕದ ಹಿಂದಿದ್ದ ನೋವು, ವಾಟ್ಸನ್ ಒಬ್ಬರಿಗೇ ಗೊತ್ತು. ಕಾಲಿನ ಸ್ನಾಯು ನೋವಿನ ನಡುವೆಯೇ ಒಂದು ಕಾಲಿನ ನೆರವಿನಿಂದ ಬ್ಯಾಟಿಂಗ್ ಮಾಡಿದ ವಾಟ್ಸನ್ ಗೆ ತಂಡವನ್ನು ಗೆಲುವಿನ ದಡ ಸೇರಿಸಿದ ತೃಪ್ತಿ ಇತ್ತು. ಇದೇ ಕಾರಣಕ್ಕೆ ತಂಡ ಗೆಲುವು ಸಾಧಿಸುತ್ತಿದ್ದಂತೆಯೇ ಮೈದಾನದಲ್ಲೇ ಗಳಗಳನೆ ಅತ್ತರು. ಭಾವುಕರಾಗಿದ್ದ ವಾಟ್ಸನ್ ರನ್ನು ಸಹ ಆಟಗಾರರು ಸಂತೈಸಿದರು.
