ಪಾಕ್ ಎಡವಟ್ಟು; ಒಂದು ತಪ್ಪು ನಿರ್ಧಾರ ಸುಲಭವಾಗಿ ಗೆಲ್ಲಬಹುದಿದ್ದ ಪಂದ್ಯ ಡ್ರಾ ಆಗಿದೆ!

ದುಬೈ: ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯವನ್ನು ಸುಲಭವಾಗಿ ಗೆಲ್ಲಬಹುದಿದ್ದ ಪಾಕಿಸ್ತಾನ ತಪ್ಪು ನಿರ್ಧಾರದಿಂದಾಗಿ ಪಂದ್ಯವನ್ನು ಕೈಚೆಲ್ಲಿದೆ. 

ಮೊದಲ ಟೆಸ್ಟ್ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ್ದ ಪಾಕಿಸ್ತಾನ ಮೊದಲ ಇನ್ನಿಂಗ್ಸ್ ನಲ್ಲಿ 482 ರನ್ ಪೇರಿಸಿತ್ತು. ನಂತರ ಬ್ಯಾಟಿಂಗ್ ಮಾಡಿದ್ದ ಆಸ್ಟ್ರೇಲಿಯಾ ತಂಡವನ್ನು 202 ರನ್ ಗಳಿಗೆ ಕಟ್ಟಿಹಾಕಿದ್ದರು. 280 ರನ್ ಗಳ ಮುನ್ನಡೆಯೊಂದಿಗೆ ಎರಡನೇ ಇನ್ನಿಂಗ್ಸ್ ಆರಂಭಿಸಿದ್ದ ಪಾಕಿಸ್ತಾನ 6 ವಿಕೆಟ್ ಕಳೆದುಕೊಂಡು 181 ರನ್ ಗಳಿಸಿದ್ದಾಗ ಡಿಕ್ಲೇರ್ ಮಾಡಿಕೊಂಡಿತು. ಕೊನೆಗೆ ಆಸ್ಟ್ರೇಲಿಯಾ 462 ರನ್ ಗಳ ಗುರಿ ನೀಡಿತು. 

ಪಾಕಿಸ್ತಾನ ನೀಡಿದ 462 ರನ್ ಗಳ ಬೃಹತ್ ಮೊತ್ತ ಬೆನ್ನಟ್ಟಿದ ಆಸ್ಟ್ರೇಲಿಯಾ ನಾಲ್ಕನೇ ದಿನದಂತ್ಯಕ್ಕೆ 87 ರನ್ ಗಳಿಗೆ 3 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ಐದನೇ ದಿನ ಬರೋಬ್ಬರಿ 90 ಓವರ್ ಗಳನ್ನು ಪೂರ್ಣಗೊಳಿಸಿದ ಆಸ್ಟ್ರೇಲಿಯಾ ಸೋಲುವ ಪಂದ್ಯವನ್ನು ಡ್ರಾನಲ್ಲಿ ಅಂತ್ಯಗೊಳಿಸಿದೆ. 

ಐದನೇ ದಿನ ಉಸ್ಮಾನ್ ಖಾವಾಜ ಹಾಗೂ ಟ್ರಾವಿಸ್ ಹೆಡ್ ಜೋಡಿ ಬರೋಬ್ಬರಿ 50 ಓವರ್ ಗಳ ಜೊತೆಯಾಟ ನೀಡಿ 137 ರನ್ ಗಳಿಸಿದರು. ಹೆಡ್ 72 ರನ್ ಗಳಿಸಿ ನಿರ್ಗಮಿಸಿದರೇ ಖವಾಜಾ 141 ರನ್ ಬಾರಿಸಿ ಪಂದ್ಯ ಡ್ರಾ ಆಗುವಲ್ಲಿ ಸಹಕಾರಿಯಾದರು. 

ಇನ್ನು ಪಾಕಿಸ್ತಾನ ಆಲೋ ಆನ್ ನೀಡಿದ್ದರೆ ಪಂದ್ಯವನ್ನು ಸುಲಭವಾಗಿ ಗೆಲ್ಲಬಹುದಿತ್ತು. ಆದರೆ ತಾನು ತೆಗೆದುಕೊಂಡ ಒಂದು ತಪ್ಪು ನಿರ್ಧಾರದಿಂದಾಗಿ ಗೆಲ್ಲುವ ಪಂದ್ಯ ಡ್ರಾ ಆಗಿದೆ.