ಮತ್ತೆ ನೆನಪಾದ ಫಿಲಿಪ್ ಹ್ಯೂಸ್; ಆಸಿಸ್ ವೇಗಿ ಬೌನ್ಸರ್ ಗೆ ಆಸ್ಪತ್ರೆ ಪಾಲಾದ ಲಂಕಾ ಬ್ಯಾಟ್ಸಮನ್

ಬೆಂಗಳೂರು: ಫಿಲಿಪ್ ಹ್ಯೂಸ್ ಪ್ರಕರಣವನ್ನು ನೆನಪಿಸುವ ಘಟನೆಯೊಂದು ಶ್ರೀಲಂಕಾ-ಆಸ್ಟ್ರೇಲಿಯಾ ಟೆಸ್ಟ್ ವೇಳೆ ನಡೆದಿದೆ. 

ಅನುಭವಿ ಆರಂಭಿಕ ಬ್ಯಾಟ್ಸ್ಮನ್ ದಿಮುಥ್ ಕರುಣರತ್ನೆ ಆಸ್ಟ್ರೇಲಿಯಾ ಬೌಲರ್ ಪ್ಯಾಟ್ ಕಮ್ಮಿನ್ಸ್ ಬೌನ್ಸರ್ ಎಸೆತಕ್ಕೆ ಗುರಿಯಾಗಿ ತೀವ್ರವಾಗಿ ಗಾಯಗೊಂಡಿದ್ದಾರೆ.  58 ನೇ ಟೆಸ್ಟ್ ಪಂದ್ಯವನ್ನಾಡುತ್ತಿರುವ ಕರುಣರತ್ನೆ, 46 ರನ್ ಗಳಿಸಿ ಆಡುತ್ತಿದ್ದರು. ಈ ವೇಳೆ ಪ್ಯಾಟ್ ಕಮ್ಮಿನ್ಸ್ ಬೌನ್ಸರ್ ಎಸೆದಿದ್ದಾರೆ,  ವೇಗವಾಗಿ ಬಂದ ಚೆಂಡು ಕುತ್ತಿಗೆ ಭಾಗಕ್ಕೆ ತಗುಲಿದ್ದು ಕರುಣರತ್ನೆ ಅಲ್ಲೇ ಕುಸಿದುಬಿದ್ದಿದ್ದಾರೆ. 

ಕ್ರೀಸ್ ನಲ್ಲೇ ಪ್ರಾಥಮಿಕ ಚಿಕಿತ್ಸೆ ನೀಡಲಾಯಿತಾದರೂ 10 ನಿಮಿಷಗಳ ಬಳಿಕ ಅವರನ್ನು ಸ್ಟ್ರೆಚರ್ ನಲ್ಲಿ ಕರೆದೊಯ್ಯಲಾಯಿತು.