ಹೌದು.. ಬಿಗ್ ಬ್ಯಾಶ್ 2019 ಟೂರ್ನಿಯಲ್ಲಿ ಸಿಡ್ನಿ ಸಿಕ್ಸರ್ಸ್ ತಂಡವನ್ನು ಪ್ರತಿನಿಧಿಸುತ್ತಿರುವ ಮೆಕ್ಕಲಂ ಬ್ರಿಸ್ಬೇನ್ ಹೀಟ್ ತಂಡದ ವಿರುದ್ಧದ ಪಂದ್ಯದಲ್ಲಿ ತಮ್ಮ ಅದ್ಭುತ ಫೀಲ್ಡಿಂಗ್ ಟ್ಯಾಲೆಂಟ್ ಮೂಲಕ ಸುದ್ದಿಗೆ ಗ್ರಾಸವಾಗಿದ್ದಾರೆ. ಪಂದ್ಯದ 16ನೇ ಓವರ್ ನಲ್ಲಿ ಸಿಡ್ನಿ ಸಿಕ್ಸರ್ಸ್ ತಂಡದ ಜೇಮ್ಸ್ ವಿನ್ಸ್ ಲಾಂಗ್ ಆನ್ ನತ್ತ ಸಿಕ್ಸರ್ ಗೆ ಚೆಂಡನ್ನು ಭಾರಿಸಿದರು. ಈ ವೇಳೆ ಫೀಲ್ಡಿಂಗ್ ಮಾಡುತ್ತಿದ್ದ ಮೆಕ್ಕಲಮ್ ಅದ್ಭುತವಾಗಿ ಗಾಳಿಯಲ್ಲಿ ಹಾರಿ ಚೆಂಡನ್ನು ತಳ್ಳಿದರು. ಆದರೆ ಚೆಂಡು ಮತ್ತೆ ಸಿಕ್ಸರ್ ಬೌಂಡರಿಯಲ್ಲೇ ಇದ್ದ ಕಾರಣ ಮತ್ತೆ ಗಾಳಿಯಲ್ಲಿ ಹಾರಿದ ಮೆಕ್ಕಲಮ್ ಚೆಂಡನ್ನು ತಳ್ಳಿದ್ದರು. ಆದರೆ ಮೆಕ್ಕಲಮ್ ಗಾಳಿಯಲ್ಲಿದ್ದಾಗ ಅವರು ಬೌಂಡರಿ ಗೆರೆ ಮೇಲೆ ಗಾಳಿಯಲ್ಲಿ ಇದ್ದರು. ಅವರ ದೇಹದ ಯಾವುದೇ ಅಂಗ ಕೂಡ ಬೌಂಡರಿ ಗೆರೆಗೆ ತಾಗಿರಲಿಲ್ಲ.