ವಿಶಾಖಪಟ್ಟಣಂ: ಮೊದಲ ಏಕದಿನ ಪಂದ್ಯದಲ್ಲಿ ಭರ್ಜರಿ ಶತಕ ಸಿಡಿಸಿ ವೆಸ್ಟ್ ಇಂಡೀಸ್ ಗೆ ಗೆಲುವು ತಂದುಕೊಟ್ಟಿದ್ದ ಶಿಮ್ರನ್ ಹೆಟ್ಮರ್ ಅವರನ್ನು ಎರಡನೇ ಏಕದಿನ ಪಂದ್ಯದಲ್ಲಿ ಶ್ರೇಯಸ್ ಅಯ್ಯರ್ ಬೌಂಡರಿ ಗೆರೆಗೆ ಓಡಿ ಅದ್ಭುತವಾಗಿ ಬೌಂಡರಿ ತಡೆದದ್ದಲ್ಲದೆ ರನೌಟ್ ಮಾಡಿ ಹೆಟ್ಮರ್ ಅವರನ್ನು ಪೆವಿಲಿಯನ್ ಗೆ ಕಳುಹಿಸಿದ್ದಾರೆ.
ವಿಶಾಖಪಟ್ಟಣಂನಲ್ಲಿ ನಡೆದ ಪಂದ್ಯದಲ್ಲಿ ವಿಂಡೀಸ್ ತಂಡ ಟೀಂ ಇಂಡಿಯಾ ನೀಡಿದ್ದ 388 ರನ್ ಗುರಿ ಬೆನ್ನಟ್ಟಿತ್ತು ಈ ವೇಳೆ ಹೆಟ್ಮರ್ 13.1 ಎಸೆತದಲ್ಲಿ ರವೀಂದ್ರ ಜಡೇಜಾ ಬೌಲಿಂಗ್ ನಲ್ಲಿ ಆಫ್ ಸೈಡ್ ನಲ್ಲಿ ಬಾರಿಸಿದರು. ಇನ್ನು ಚೆಂಡು ಬೌಂಡರಿ ಗೆರೆ ಮುಟ್ಟಬೇಕು ಅಷ್ಟರಲ್ಲಿ ಅದ್ಭುತ ಡೈವ್ ಮಾಡಿ ಶ್ರೇಯಸ್ ಅಯ್ಯರ್ ಚೆಂಡನ್ನು ಹಿಡಿದು ಜಡೇಜಾ ಅವರ ಕೈಗೆ ಎಸೆದರು.
ಇನ್ನು ಹೆಟ್ಮರ್ ಎರಡು ರನ್ ತೆಗೆದುಕೊಳ್ಳಲು ನಾನ್ ಸ್ಟ್ರೈಕ್ ಕಡೆ ಓಡುವಾಗ ಜಡೇಜಾ ರನೌಟ್ ಮಾಡಿದರು. ಕಳೆದ ಪಂದ್ಯದಲ್ಲಿ ಹೆಟ್ಮರ್ ಶತಕ ಸಿಡಿಸಿದ್ದು ಈ ಪಂದ್ಯದಲ್ಲಿ 4 ರನ್ ಮಾತ್ರ ಪೇರಿಸಿ ಔಟಾದರು.
Advertisement