ಬೆಂಗಳೂರು: ಪ್ರವಾಸಿ ಆಸ್ಟ್ರೇಲಿಯಾ ವಿರುದ್ಧದ ಸರಣಿ ನಿರ್ಣಾಯಕ ಪಂದ್ಯದಲ್ಲಿ ಟೀಂ ಇಂಡಿಯಾ ಆಟಗಾರರು ಸಾಂಘಿಕ ಪ್ರದರ್ಶನ ನೀಡುತ್ತಿದ್ದಾರೆ. ಆಸೀಸ್ ಬ್ಯಾಟ್ಸ್ ಮನ್ಗಳಾದ ಸ್ಮಿತ್ ಮತ್ತು ಫಿಂಚ್ ನಡುವಿನ ಗೊಂದಲದಿಂದಾಗಿ ರನೌಟ್ ಆಗಿದ್ದು ಈ ವಿಡಿಯೋ ಇದೀಗ ವೈರಲ್ ಆಗಿದೆ.
ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಮೂರು ಪಂದ್ಯಗಳ ಏಕದಿನ ಸರಣಿಯ ಕೊನೆಯ ಹಾಗೂ ನಿರ್ಣಾಯಕ ಪಂದ್ಯ ಬೆಂಗಳೂರಿನಲ್ಲಿ ನಡೆಯುತ್ತಿದೆ. ಮೊದಲಿಗೆ ಆಸ್ಟ್ರೇಲಿಯಾ ಬ್ಯಾಟಿಂಗ್ ಮಾಡುತ್ತಿದೆ. ಮೊಹಮ್ಮದ್ ಶಮಿ ಬೌಲಿಂಗ್ ನಲ್ಲಿ ಸ್ಮಿತ್ ಕವರ್ಸ್ ನಲ್ಲಿ ಚೆಂಡನ್ನು ಬಾರಿಸಿದರು. ಈ ವೇಳೆ ಒಂದು ರನ್ ತೆಗೆದುಕೊಳ್ಳುವಲ್ಲಿ ಇಬ್ಬರ ನಡುವೆ ಗೊಂದಲ ಉಂಟಾಗಿ ಫಿಂಚ್ ರನೌಟ್ ಆಗಿದ್ದಾರೆ.
ಕವರ್ಸ್ ನಲ್ಲಿದ್ದ ಜಡೇಜಾ ಚೆಂಡನ್ನು ಸ್ಟ್ರೈಕ್ ನಲ್ಲಿದ್ದ ವಿಕೆಟ್ ಗೆ ಹೊಡೆದರು ಆದರೆ ಚೆಂಡು ಮಿಸ್ ಆಗಿ ಚಹಾಲ್ ಕೈ ಸೇರಿತ್ತು. ಈ ವೇಳೆ ನಾನ್ ಸ್ಟ್ರೈಕ್ ನಲ್ಲಿದ್ದ ಫಿಂಚ್ ಸ್ಟ್ರೈಕ್ ನತ್ತ ಓಡುತ್ತಿದ್ದರು. ಈ ವೇಳೆ ಸ್ಮಿತ್ ರನ್ ಬೇಡ ಎಂದು ಹಿಂದಕ್ಕೆ ಹೋದರು. ಅಷ್ಟರಲ್ಲಿ ಚಹಾಲ್ ಚೆಂಡನ್ನು ನಾನ್ ಸ್ಟ್ರೈಕ್ ನಲ್ಲಿದ್ದ ಬೌಲರ್ ಮೊಹಮ್ಮದ್ ಶಮಿಗೆ ಎಸೆದರು. ಶಮಿ ಸುಲಭವಾಗಿ ರನೌಟ್ ಮಾಡಿದರು.
ಈ ವೇಳೆ ಫಿಂಚ್ ಆಕ್ರೋಶಗೊಂಡು ಸ್ಮಿತ್ ರನ್ನು ಗುರಾಯಿಸಿಕೊಂಡು ಹೋಗಿದರು.
Advertisement