ಬೆಂಗಳೂರು: ಹಾಲಿ ಐಪಿಎಲ್ ಕ್ರಿಕೆಟ್ ಟೂರ್ನಿಯ ನಿನ್ನೆಯ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಸನ್ ರೈಸರ್ಸ್ ಹೈದರಾಬಾದ್ ತಂಡಗಳ ನಡುವಿನ ಪಂದ್ಯದಲ್ಲಿ ದಾಖಲೆಗಳ ಸರಣಿಯೇ ನಿರ್ಮಾಣವಾಗಿದೆ.
ಹೌದು.. ನಿನ್ನೆಯ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಸನ್ ರೈಸರ್ಸ್ ಹೈದರಾಬಾದ್ ಆರ್ ಸಿಬಿ ಬೌಲರ್ ಗಳ ಮೇಲೆ ಅಕ್ಷರಶಃ ಸವಾರಿ ಮಾಡಿತು. ನಿಗಧಿತ 20 ಓವರ್ ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 287 ರನ್ ಕಲೆಹಾಕಿತು. ಹೈದರಾಬಾದ್ ಪರ ಟ್ರಾವಿಸ್ ಹೆಡ್ 41 ಎಸೆತಗಳಲ್ಲಿ ಶತಕ ಸಿಡಿಸಿದರೆ, ಕ್ಲಾಸೆನ್ 31 ಎಸೆತಗಳಲ್ಲಿ 67 ರನ್ ಸಿಡಿಸಿದರು.
ಅಭಿಷೇಕ್ ಶರ್ಮಾ 34 ರನ್ ಸಿಡಿಸಿದರೆ, ಮಾರ್ಕ್ರಾಮ್ 2 ರನ್ ಮತ್ತು ಅಬ್ದುಲ್ ಸಮದ್ ಕೇವಲ 10 ಎಸೆತಗಳಲ್ಲಿ 37 ರನ್ ಸಿಡಿಸಿ ತಂಡ ದಾಖಲೆಯ ಮೊತ್ತಕ್ಕೆ ಕಾರಣರಾದರು. ಈ ಬೃಹತ್ ಗುರಿಯನ್ನು ಬೆನ್ನು ಹತ್ತಿದ ಆರ್ ಸಿಬಿ ತಂಡ 20 ಓವರ್ ಗಳಲ್ಲಿ ವಿಕೆಟ್ ನಷ್ಟಕ್ಕೆ 262 ರನ್ ಗಳನ್ನು ಕಲೆ ಹಾಕಿ ಕೇವಲ 25 ರನ್ ಗಳ ಅಂತರದಲ್ಲಿ ವಿರೋಚಿತ ಸೋಲು ಕಂಡಿತು.
ಆರ್ ಸಿಬಿ ಪರ ವಿರಾಟ್ ಕೊಹ್ಲಿ 42 ರನ್ ಗಳಿಸಿದರೆ, ಫಾಪ್ ಡುಪ್ಲೆಸಿಸ್ 62 ರನ್, ದಿನೇಶ್ ಕಾರ್ತಿಕ್ 83 ರನ್ ಮತ್ತು ಅನುಜ್ ರಾವತ್ 25 ರನ್ ಗಳಿಸಿದರು.
ದಾಖಲೆಗಳ ಸರಣಿಯೇ ಉಡೀಸ್
ಸೋಮವಾರ ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧದ ಸನ್‌ರೈಸರ್ಸ್ ಹೈದರಾಬಾದ್ ಪಂದ್ಯದಲ್ಲಿ ಕೇವಲ ಸಿಕ್ಸ್-ಫೋರ್ಗಳ ಸುರಿಮಳೆಗಳೇ ಕಾಣುತ್ತಿದ್ದವು. ಬ್ಯಾಕ್ ಟು ಬ್ಯಾಕ್ ಸಿಕ್ಸ್ ಗಳು ಹರಿದುಬರುತ್ತಿದ್ದರೆ, ಇದರ ಹಿಂದೆಯೇ ಸಾಲು ಸಾಲು ದಾಖಲೆಗಳು ದೂಳಿಪಟ ಆಗುತ್ತಿದ್ದವು.
ಟಿ20 ಪಂದ್ಯವೊದರಲ್ಲಿ ಗರಿಷ್ಠ ಬೌಂಡರಿ
ನಿನ್ನೆಯ ಪಂದ್ಯದಲ್ಲಿ ಆರ್ ಸಿಬಿ ಮತ್ತು ಹೈದರಬಾದ್ ತಂಡಗಳೆರಡೂ ಸೇರಿ ಒಟ್ಟು 81 ಬೌಂಡರಿಗಳು ಹರಿದು ಬಂದಿದ್ದು, ಈ ಪೈಕಿ 43 ಬೌಂಡರಿ ಮತ್ತು 38 ಸಿಕ್ಸರ್ ಗಳು ಹರಿದುಬಂದಿದೆ. ಇದು ಈ ವರೆಗೂ ಟಿ20 ಪಂದ್ಯವೊಂದರಲ್ಲಿ ದಾಖಲಾದ ಅತೀ ಹೆಚ್ಚು ಬೌಂಡರಿಗಳಾಗಿದೆ. ಈ ಹಿಂದೆ ಸೆಂಚೂರಿಯನ್ ನಲ್ಲಿ ದಕ್ಷಿಣ ಆಫ್ರಿಕಾ ಮತ್ತು ವೆಸ್ಟ್ ಇಂಡೀಸ್ ವಿರುದ್ಧದ ಪಂದ್ಯದಲ್ಲೂ 81 ಬೌಂಡರಿಗಳು (46 ಬೌಂಡರಿ ಮತ್ತು 35 ಸಿಕ್ಸರ್) ದಾಖಲಾಗಿತ್ತು.
81 SRH vs RCB Bengaluru 2024 [43 X 4s + 38 X 6s] *
81 WI vs SA Centurion 2023 [46 X 4s + 35 X 6s]
78 Multan Sultans vs Quetta Gladiators Rawalpindi 2023 [45 X 4s + 33 X 6s]
ಅತೀ ಹೆಚ್ಚು ರನ್ ಗಳ ಕಂಡ ಟಿ20 ಪಂದ್ಯ
ಇನ್ನು ಈ ಪಂದ್ಯದಲ್ಲಿ ಉಭಯ ತಂಡಗಳು ಗರಿಷ್ಠ ರನ್ ಪೇರಿಸಿದ್ದು ಈ ಪಂದ್ಯದಲ್ಲಿ ಒಟ್ಟು 549 ರನ್ ಗಳು ಹರಿದುಬಂದಿದೆ. ಆ ಮೂಲಕ ಟಿ20 ಪಂದ್ಯವೊಂದರಲ್ಲಿ ಗರಿಷ್ಠ ರನ್ ದಾಖಲಾದ ಪಂದ್ಯ ಇದಾಗಿದೆ. ಇದಕ್ಕೂ ಮುನ್ನ ಇದೇ ಟೂರ್ನಿಯಲ್ಲಿ ಹೈದರಾಬಾದ್ ನಲ್ಲಿ ನಡೆದ ಮುಂಬೈ ಇಂಡಿಯನ್ಸ್ ಮತ್ತು ಸನ್ ರೈಸರ್ಸ್ ಹೈದರಾಬಾದ್ ಪಂದ್ಯದಲ್ಲಿ 523 ರನ್ ಹರಿದುಬಂದಿತ್ತು.
Highest aggregate in a T20 match
549 SRH vs RCB Bengaluru 2024 *
523 SRH vs MI Hyderabad 2024
517 WI vs SA Centurion 2023
515 Multan Sultans vs Quetta Gladiators Rawalpindi 2023
506 Surrey vs Middlesex The Oval 2023
ಅತೀ ಹೆಚ್ಚು ಸಿಕ್ಸರ್ ಕಂಡ 2ನೇ ಟಿ20 ಪಂದ್ಯ
ಈ ಪಂದ್ಯದಲ್ಲಿ ಎರಡೂ ತಂಡಗಳಿಂದ ಒಟ್ಟು 38 ಸಿಕ್ಸರ್ ಗಳು ಹರಿದುಬಂದಿದ್ದು, ಇದು ಪಂದ್ಯವೊಂದರಲ್ಲಿ ಹರಿದುಬಂದ ಅತೀ ಹೆಚ್ಚು ಸಿಕ್ಸರ್ ಗಳಾಗಿದೆ. ಈ ಹಿಂದೆ ಇದೇ ಸರಣಿಯಲ್ಲಿ ಹೈದರಾಬಾದ್ ನಲ್ಲಿ ನಡೆದ ಮುಂಬೈ ಮತ್ತು ಹೈದರಾಬಾದ್ ನಡುವಿನ ಪಂದ್ಯದಲ್ಲೂ 38 ಸಿಕ್ಸರ್ ಗಳು ಹರಿದುಬಂದಿತ್ತು.
Most sixes in a T20 match
38 SRH vs MI Hyderabad 2024
38 SRH vs RCB Bengaluru 2024 *
37 Balkh Legends vs Kabul Zwann Sharjah 2018
37 Jamaica Tallawahs vs St Kitts & Nevis Patriots Basseterre 2019
ಅತೀ ಹೆಚ್ಚು ಸಿಕ್ಸರ್ ನಲ್ಲಿ ಸನ್ ರೈಸರ್ಸ್ ಹೈದರಾಬಾದ್ ದಾಖಲೆ
ಇನ್ನು ಈ ಪಂದ್ಯದಲ್ಲಿ ರನ್ ಗಳ ಸುರಿಮಳೆಯನ್ನೇ ಸುರಿಸಿದ ಸನ್ ರೈಸರ್ಸ್ ಹೈದರಾಬಾದ್ ತಂಡ ಸಿಕ್ಸರ್ ಗಳ ಮೂಲಕವೂ ದಾಖಲೆ ಬರೆದಿದೆ. ಈ ಪಂದ್ಯದಲ್ಲಿ ಸನ್ ರೈಸರ್ಸ್ ಹೈದರಾಬಾದ್ ತಂಡ ಒಟ್ಟು 22 ಸಿಕ್ಸರ್ ಗಳನ್ನು ಸಿಡಿಸಿದ್ದು, ಇದು ಐಪಿಎಲ್ ಪಂದ್ಯವೊಂದರಲ್ಲಿ ತಂಡವೊಂದು ಗಳಿಸಿದ ಗರಿಷ್ಠ ಸಿಕ್ಸರ್ ಗಳಾಗಿವೆ.
Most sixes in an IPL innings
22 SRH vs RCB Bengaluru 2024
21 RCB vs PWI Bengaluru 2013
20 RCB vs GL Bengaluru 2016
20 DC vs GL Delhi 2017
20 MI vs SRH Hyderabad 2024
ಗರಿಷ್ಠ ಟೀಂ ಟೋಟಲ್
ಈ ಪಂದ್ಯದಲ್ಲಿ ಸನ್ ರೈಸರ್ಸ್ ಹೈದರಾಬಾದ್ ತಂಡ ಗಳಿಸಿದ 287 ರನ್ ಗಳು ಟಿ20 ಪಂದ್ಯದಲ್ಲಿ ತಂಡವೊಂದು ಗಳಿಸಿದ 2ನೇ ಗರಿಷ್ಠ ಮೊತ್ತ ಇದಾಗಿದೆ. ಈ ಹಿಂದೆ 2023ರಲ್ಲಿ ಹ್ಯಾಂಗ್ ಜೌನಲ್ಲಿ ಮಂಗೋಲಿಯಾ ವಿರುದ್ಧ ನೇಪಾಳ ತಂಡ 314 ರನ್ ಗಳಿಸಿತ್ತು. ಇದು ಟಿ20 ಪಂದ್ಯದಲ್ಲಿ ದಾಖಲಾದ ಗರಿಷ್ಟ ರನ್ ಗಳಿಕೆಯಾಗಿದೆ.
Highest totals in T20 cricket
314/3 Nepal vs Mongolia Hangzhou 2023
287/3 SRH vs RCB Bengaluru 2024
278/3 Afg vs Ire Dehradun 2019
278/4 Czech Rep vs Turkey Iflov Country 2019
277/3 SRH vs MI Hyderabad 2024
Advertisement
