ಭಾರತದ ವಿಕೆಟ್ ಕೀಪರ್-ಬ್ಯಾಟರ್ ಇಶಾನ್ ಕಿಶನ್ ಅಭಿಮಾನಿಯೊಂದಿಗೆ ನಡೆಸಿದ ತಮಾಷೆಯ ವಿಡಿಯೋವೊಂದು ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಆ ಅಭಿಮಾನಿ ಫೋಟೋಕ್ಕಾಗಿ ಕಿಶನ್ ಬಳಿ ಬಂದಾಗ, ಅವರನ್ನು ಭೇಟಿಯಾಗಲೆಂದೇ ಪಾಟ್ನಾದಿಂದ ಬಂದಿರುವುದಾಗಿ ಪೋಷಕರು ತಿಳಿಸಿದ್ದಾರೆ. ಇದಕ್ಕೆ ಕಿಶನ್ ನೀಡಿದ ತಮಾಷೆಯ ಪ್ರತಿಕ್ರಿಯೆ ಒಂದು ಸಾಮಾನ್ಯ ಫೋಟೋ ಅವಕಾಶವನ್ನು ಸ್ಮರಣೀಯ ಕ್ಷಣವನ್ನಾಗಿ ಮಾಡಿತು.
ತಮ್ಮನ್ನು ಭೇಟಿಯಾಗಲೆಂದೇ ಆ ಕುಟುಂಬ ಪಾಟ್ನಾದಿಂದ ಬಂದಿದೆ ಎಂದು ತಿಳಿದಾಗ, ಕಿಶನ್ ತಮಾಷೆಯಾಗಿ, ಪಾಟ್ನಾದಿಂದ ಬಂದಿದ್ದೀರಾ, ಹಾಗಾದರೆ ಆ ಯುವ ಅಭಿಮಾನಿಯನ್ನು ಒಂದು ಪಂದ್ಯ ಆಡಲು ಬಿಡಲೇ?" ಎಂದು ಹೇಳಿದ್ದಾರೆ.
"ಪಾಟ್ನಾ ಸೆ ಆಯೇ ಹುಯೇ ಹೈ ತೋ ಮ್ಯಾಚ್ ಖಿಲಾ ದೂ ಕ್ಯಾ?" (ಪಾಟ್ನಾದಿಂದ ಬಂದಿದ್ದೀರಾ, ಹಾಗಾದರೆ ಪಂದ್ಯ ಆಡಲು ಬಿಡಲೇ?) ಎಂದು ಅವರು ಹೇಳಿದಾಗ ಅಲ್ಲಿದ್ದವರೆಲ್ಲರೂ ನಗೆಗಡಲಲ್ಲಿ ತೇಲಿದರು. ಈ ಕಿರು ಮಾತುಕತೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಗಮನ ಸೆಳೆದಿದ್ದು, ಕಿಶನ್ ಅವರ ಪ್ರತಿಕ್ರಿಯೆಯು ಆ ವೀಡಿಯೊದ ಪ್ರಮುಖ ಆಕರ್ಷಣೆಯಾಗಿದೆ.
ಭಾರತೀಯ ಬ್ಯಾಟರ್ ಆಗಿರುವ ಇಶಾನ್ ಕಿಶನ್ ಮೈದಾನದ ಹೊರಗೆ ತಮ್ಮ ಲವಲವಿಕೆಯ ವ್ಯಕ್ತಿತ್ವಕ್ಕೆ ಹೆಸರುವಾಸಿಯಾಗಿದ್ದಾರೆ. ಅಭಿಮಾನಿಯೊಂದಿಗಿನ ಈ ಸಂಭಾಷಣೆಯು ಅವರ ತಮಾಷೆಯ ಸ್ವಭಾವದ ಮತ್ತೊಂದು ಝಲಕ್ ಅನ್ನು ತೋರಿಸಿಕೊಟ್ಟಿದೆ. ಈ ಮಾತುಕತೆ ಯಾವಾಗ ನಡೆಯಿತು ಎಂಬುದನ್ನು ಖಚಿತಪಡಿಸಿಕೊಳ್ಳಲು ಸಾಧ್ಯವಾಗಿಲ್ಲ. ಏಷ್ಯನ್ ಗೇಮ್ಸ್‌ನಲ್ಲಿ ಭಾರತೀಯ ಕ್ರಿಕೆಟ್ ತಂಡವು ಧರಿಸಿದ್ದ ಜೆಎಸ್‌ಡಬ್ಲ್ಯೂ (JSW) ಕಿಟ್ ಬದಲಿಗೆ, ಈ ವೀಡಿಯೊದಲ್ಲಿ ಕಿಶನ್ ಬಿಸಿಸಿಐ (BCCI) ಕಿಟ್ ಧರಿಸಿರುವುದು ಕಂಡುಬರುತ್ತದೆ.
ಆ ಯುವ ಅಭಿಮಾನಿ ಕೇವಲ ಫೋಟೋ ಪಡೆಯುವ ನಿರೀಕ್ಷೆಯಿಂದ ಕಿಶನ್ ಬಳಿ ಬಂದಿದ್ದಾರೆ. ಆದರೆ ತಾವು ಪಾಟ್ನಾದಿಂದ ಬಂದಿರುವುದಾಗಿ ಕುಟುಂಬ ನೀಡಿದ ಮಾಹಿತಿಯಿಂದ ಕಿಶನ್ ತ್ವರಿತಗತಿಯಲ್ಲಿ ಈ ಪ್ರತಿಕ್ರಿಯೆ ನೀಡಿದ್ದಾರೆ. ಈ ಸಂಭಾಷಣೆಯು ಅಭಿಮಾನಿಗಳ ಮನಗೆದ್ದಿದೆ. ಏಷ್ಯನ್ ಗೇಮ್ಸ್‌ನಲ್ಲಿ ಪುರುಷರ ಕ್ರಿಕೆಟ್ ವಿಭಾಗದಲ್ಲಿ ಭಾರತವು ಚಿನ್ನದ ಪದಕ ಗೆದ್ದ ನಂತರ ಈ ವೀಡಿಯೊ ಹೊರಬಂದಿದೆ. ಆದಾಗ್ಯೂ ಈ ಸಂಭಾಷಣೆ ನಡೆದ ನಿಖರ ಸಮಯ ಯಾವುದು ಎಂಬುದು ಸ್ಪಷ್ಟವಾಗಿಲ್ಲ.
