Winter Health Tips: ಚಳಿಗಾಲ ಬಂತೆಂದರೆ ಸಾಕು, ಬೆಚ್ಚಗಿನ ಹೊದಿಕೆಯಲ್ಲಿ ಮಲಗುವುದು, ಬಿಸಿ ಬಿಸಿ ತಿಂಡಿಗಳನ್ನು ಸವಿಯುವುದು ಎಲ್ಲರಿಗೂ ಅಚ್ಚುಮೆಚ್ಚು. ಆದರೆ, ಈ ಆಹ್ಲಾದಕರ ವಾತಾವರಣದಲ್ಲಿ ನಮಗೆ ತಿಳಿಯದಂತೆ ನಾವು ಮಾಡುವ ಕೆಲವು ಸಣ್ಣಪುಟ್ಟ ತಪ್ಪುಗಳೇ ನಮ್ಮ ದೊಡ್ಡ ಶತ್ರುಗಳಾಗುತ್ತವೆ. ಶೀತ, ಕಫ, ಮಂಡಿ ನೋವು, ಚರ್ಮ ಒಣಗುವುದು ಹಾಗೂ ಜೀರ್ಣಕ್ರಿಯೆಯ ಸಮಸ್ಯೆಗಳಿಗೆ ನೀವೇ ಮಾಡಿಕೊಳ್ಳುತ್ತಿರುವ ಆ ತಪ್ಪುಗಳು ಯಾವುವು ಗೊತ್ತಾ? ಚಳಿಗಾಲವನ್ನು ಸಂಪೂರ್ಣವಾಗಿ ಆರಾಮದಾಯಕವಾಗಿ ಕಳೆಯಲು ನೀವು ಇಂದೇ ಬಿಡಬೇಕಾದ ಆ 7 ಪ್ರಮುಖ ಅಭ್ಯಾಸಗಳ ಸಂಪೂರ್ಣ ಮಾಹಿತಿ ಇಲ್ಲಿದೆ:
ನೀರು ಕಡಿಮೆ ಕುಡಿಯುವುದು:
ಚಳಿಯಲ್ಲಿ ಬಾಯಾರಿಕೆ ಕಡಿಮೆಯಾಗುತ್ತದೆ ಎಂದು ನೀರು ಕುಡಿಯುವುದನ್ನು ಬಿಡುತ್ತೇವೆ. ಇದರಿಂದ ದೇಹ ಡಿಹೈಡ್ರೇಟ್ ಆಗಿ ಚರ್ಮ ಒಣಗುತ್ತದೆ, ಮಲಬದ್ಧತೆ ಮತ್ತು ತಲೆನೋವು ಬರುತ್ತದೆ. ದಿನಕ್ಕೆ 6 ರಿಂದ 8 ಲೋಟ ಬೆಚ್ಚಗಿನ ನೀರು ಕುಡಿಯಿರಿ.
ಬೆಳಿಗ್ಗೆ ಬಿಸಿಲಿಗೆ ಬಾರದಿರುವುದು:
ಸೂರ್ಯನ ಬೆಳಕಿಗೆ ಬಾರದೆ ಮನೆಯೊಳಗೇ ಇರುವುದರಿಂದ ವಿಟಮಿನ್ ಡಿ ಕೊರತೆ ಉಂಟಾಗುತ್ತದೆ. ಇದರಿಂದ ಮೂಳೆ ನೋವು, ಕೀಲು ನೋವು ಮತ್ತು ಸದಾ ಸುಸ್ತು ಬರುತ್ತದೆ. ಪ್ರತಿದಿನ ಬೆಳಿಗ್ಗೆ 20 ನಿಮಿಷ ಬಿಸಿಲಿನಲ್ಲಿ ಕುಳಿತುಕೊಳ್ಳಿ.
ಸ್ನಾನಕ್ಕೆ ತುಂಬಾ ಬಿಸಿ ನೀರು ಬಳಸುವುದು:
ತುಂಬಾ ಬಿಸಿ ನೀರಿನಲ್ಲಿ ಸ್ನಾನ ಮಾಡಿದರೆ ಚರ್ಮದಲ್ಲಿನ ನೈಸರ್ಗಿಕ ಎಣ್ಣೆ ಹೋಗಿ ಚರ್ಮ ಇನ್ನಷ್ಟು ಒಣಗಿ ತುರಿಕೆ ಬರುತ್ತದೆ. ಉಗುರು ಬೆಚ್ಚಗಿನ ನೀರಿನಲ್ಲಿ ಸ್ನಾನ ಮಾಡುವುದು ಉತ್ತಮ.
ವ್ಯಾಯಾಮವನ್ನು ಸಂಪೂರ್ಣ ಬಿಡುವುದು:
ಚಳಿ ಎಂದು ವಾಕಿಂಗ್ ಮತ್ತು ವ್ಯಾಯಾಮ ಬಿಟ್ಟರೆ ತೂಕ ಹೆಚ್ಚಾಗುತ್ತದೆ ಮತ್ತು ರಕ್ತ ಸಂಚಾರ ಕಡಿಮೆಯಾಗುತ್ತದೆ. ದಿನಕ್ಕೆ 30 ನಿಮಿಷ ಮನೆಯೊಳಗೇ ಆದರೂ ವ್ಯಾಯಾಮ ಮಾಡಿ.
ಜಂಕ್ ಫುಡ್ ಮತ್ತು ಸಕ್ಕರೆ ಜಾಸ್ತಿ ತಿನ್ನುವುದು:
ಚಳಿಯಲ್ಲಿ ಹಸಿವು ಹೆಚ್ಚು ಎಂದು ಪಕೋಡ, ಸಮೋಸ, ಚಹಾ, ಕಾಫಿ ಹೆಚ್ಚು ಕುಡಿಯುವುದು ಜೀರ್ಣ ಸಮಸ್ಯೆ ಮತ್ತು ಶುಗರ್ ಹೆಚ್ಚಿಸುತ್ತದೆ. ಬದಲು ನೆನೆಸಿದ ಬಾದಾಮಿ, ಕಡಲೆ, ಸೂಪ್, ರಾಗಿ ಗಂಜಿ ತೆಗೆದುಕೊಳ್ಳಿ.
ಮೂಗು ಮುಚ್ಚಿಕೊಳ್ಳದೆ ತಣ್ಣನೆಯ ಗಾಳಿಯಲ್ಲಿ ಓಡಾಡುವುದು:
ತಣ್ಣನೆಯ ಗಾಳಿ ನೇರವಾಗಿ ಶ್ವಾಸಕೋಶಕ್ಕೆ ಹೋದರೆ ಕಫ, ಅಸ್ತಮಾ ಮತ್ತು ಶೀತ ಹೆಚ್ಚಾಗುತ್ತದೆ. ಹೊರಗೆ ಹೋಗುವಾಗ ಮಾಸ್ಕ್ ಅಥವಾ ಮಫ್ಲರ್ ಬಳಸಿ.
ರಾತ್ರಿ ತಡವಾಗಿ ಮಲಗುವುದು
ಚಳಿಯಲ್ಲಿ ತಡರಾತ್ರಿವರೆಗೆ ಮೊಬೈಲ್ ನೋಡುವುದರಿಂದ ನಿದ್ದೆ ಕೆಡುತ್ತದೆ ಮತ್ತು ರೋಗನಿರೋಧಕ ಶಕ್ತಿ ಕಡಿಮೆಯಾಗುತ್ತದೆ. ರಾತ್ರಿ 10.30 ರ ಒಳಗೆ ಮಲಗಿ 7 ರಿಂದ 8 ಗಂಟೆ ನಿದ್ದೆ ಮಾಡಿ.