ಅಮೆರಿಕದಲ್ಲಿ ನಡೆದ ಕಾರು ವಿನ್ಯಾಸ ಸ್ಪರ್ಧೆ ಗೆದ್ದ ಬೆಂಗಳೂರು ವಿದ್ಯಾರ್ಥಿಗಳು

ಬೆಂಗಳೂರು/ ನ್ಯೂಯಾರ್ಕ್ : ಅಮೆರಿಕದಲ್ಲಿ ನಡೆದ ಪ್ರತಿಷ್ಠಿತ  ಫಾರ್ಮುಲಾ ಹೈಬ್ರಿಡ್ ಕಾರು ವಿನ್ಯಾಸ ಸ್ಪರ್ಧೆಯಲ್ಲಿ ಬೆಂಗಳೂರಿನ ವಿದ್ಯಾರ್ಥಿಗಳು ಬಹುಮಾನ ಗೆದ್ದುಕೊಂಡಿದ್ದಾರೆ.

ನ್ಯೂ ಹ್ಯಾಂಪ್‌ಶೇರ್‌ನಲ್ಲಿ ಕಳೆದ ವಾರ ನಡೆದ ಸ್ಪರ್ಧೆಯಲ್ಲಿ ಬೆಂಗಳೂರಿನ ಇಂಜಿನಿಯರಿಂಗ್ ವಿದ್ಯಾರ್ಥಿಗಳು ಒಟ್ಟಾರೆ ಸ್ಪರ್ಧೆಯಲ್ಲಿ ನಾಲ್ಕನೇ ಸ್ಥಾನ ಪಡೆದಿದ್ದು, ಡಿಸೈನ್ ಮತ್ತು ಪ್ರಾಜೆಕ್ಟ್  ಮ್ಯಾನೇಜ್‌ಮೆಂಟ್ ವಿಭಾಗದಲ್ಲಿ ದ್ವಿತೀಯ ಸ್ಥಾನ ಗಳಿಸಿದ್ದಾರೆ. ಒಟ್ಟು 28 ತಂಡಗಳು ಈ ಸ್ಪರ್ಧಾಕಣದಲ್ಲಿದ್ದವು.

ಈ ಸ್ಪರ್ಧೆಯಲ್ಲಿ ಭಾಗವಹಿಸಿದವರು ಬೆಂಗಳೂರಿನ ಆರ್ ವಿ ಕಾಲೇಜ್ ಆಫ್ ಇಂಜಿನಿಯರಿಂಗ್‌ನ ಪದವಿ ವಿದ್ಯಾರ್ಥಿಗಳಾಗಿದ್ದಾರೆ. ಈ ವಿದ್ಯಾರ್ಥಿಗಳೆಲ್ಲರೂ ಪ್ರಸ್ತುತ ಕಾಲೇಜಿನ ಅಶ್ವ ರೇಸಿಂಗ್ ರಿಸರ್ಚ್ ಮತ್ತು ಡೆವಲಪ್‌ಮೆಂಟ್ ಪ್ರಾಜೆಕ್ಟ್‌ನ ಸದಸ್ಯರಾಗಿದ್ದು ಇವರು ಫಾರ್ಮುಲಾ ಶೈಲಿಯ ರೇಸ್ ಕಾರ್ ವಿನ್ಯಾಸಗೊಳಿಸಿದ್ದರು.