ಬೆಳ್ಳಂದೂರು ಕೆರೆ ಸಮೀಪದ 13 ಕಾರ್ಖಾನೆ ಮುಚ್ಚುವಂತೆ ಕೆಎಸ್ ಪಿಸಿಬಿ ನೋಟಿಸ್

ಬೆಂಗಳೂರು: ಬೆಳ್ಳಂದೂರು ಕೆರೆ ಮಲಿನಗೊಳ್ಳಲು ಕಾರಣವಾದ ರೆಡ್ ಕೆಟೆಗರಿಯ(ಅತಿ ಹೆಚ್ಚು ಮಾಲಿನ್ಯ ಉಂಟುಮಾಡುವ ಕಾರ್ಖಾನೆಗಳು) 13 ಕಾರ್ಖಾನೆಗಳನ್ನು ಈ ಕೂಡಲ್ ಬಂದ್ ಮಾಡುವಂತೆ ಕರ್ನಾಟಕ ರಾಜ್ಯ ಮಾಲಿನ್ಯ ನಿಯಂತ್ರ ಮಂಡಳಿ(ಕೆಎಸ್ ಪಿಸಿಬಿ) ನೋಟಿಸ್ ಜಾರಿ ಮಾಡಿದೆ.

ಬೆಳ್ಳಂದೂರು ಕೆರೆಗೆ ತ್ಯಾಜ್ಯ, ಕಲುಷಿತ ನೀರನ್ನು ಬಿಡುವ ಕೆರೆಯ ಸುತ್ತಮುತ್ತ ಇರುವ ಕೈಗಾರಿಕೆಯನ್ನು ಮುಚ್ಚಿಸುವಂತೆ ರಾಷ್ಟ್ರೀಯ ಹಸಿರು ನ್ಯಾಯಾಧಿಕರಣ ಆದೇಶಿಸಿದ ಹಿನ್ನೆಲೆಯಲ್ಲಿ ಕೆಎಸ್ ಪಿಸಿಬಿ ಈ ನೋಟಿಸ್ ನೀಡಿದೆ.

ಬೆಳ್ಳಂದೂರು ಕೆರೆ ಸುತ್ತ ಒಟ್ಟು 488 ಕಾರ್ಖಾನೆಗಳಿದ್ದು, ರೆಡ್ ಕೆಟೆಗರಿಯಲ್ಲಿರುವ 46 ಕೈಗಾರಿಕೆಯ ಪೈಕಿ 13 ಕೈಗಾರಿಕೆಗಳಿಗೆ ಕೆಎಸ್ ಪಿಸಿಬಿ ನೋಟಿಸ್ ನೀಡಿದೆ.

ಕೆರೆಯ ಸುತ್ತಮುತ್ತಲಿನಿ ಪರಿಸ್ಥಿತಿ ಅವಲೋಕಿಸುವುದಕ್ಕಾಗಿ ನಾವು ನಾಲ್ಕು ತಂಡಗಳಿದ್ದು, ನೋಟಿಸ್ ನೀಡಿದ ನಂತರವೂ ಈ 13 ಕೈಗಾರಿಕೆಗಳ ಮಾಲೀಕರು ಸ್ವಯಂ ಪ್ರೇರಿತರಾಗಿ ಬಂದ್ ಮಾಡದೆ ಇದ್ದರೆ ನಾವೇ ಬೀಗ ಜಡಿಯುತ್ತೇವೆ ಎಂದು ಕೆಎಸ್ ಪಿಎಸ್ ಬಿ ಅಧ್ಯಕ್ಷ ಲಕ್ಷ್ಮಣ್ ಅವರು ಇಂಡಿಯನ್ ಎಕ್ಸ್ ಪ್ರೆಸ್ ಗೆ ತಿಳಿಸಿದ್ದಾರೆ.