ಮಡಿಕೇರಿ: ಚಿರತೆ ದಾಳಿಗೆ ಸಿಕ್ಕ ಕಾಫಿ ತೋಟದ ಕಾವಲುಗಾರ ಸಾವು

ಮಡಿಕೇರಿ: ಚಿರತೆ ದಾಳಿ ಮಾಡಿದ ಪರಿಣಾಮ ಕಾಫಿ ತೋಟದ ಕಾವಲುಗಾರನೊಬ್ಬ ಮೃತಪಟ್ಟ ಘಟನೆ ಮಡಿಕೇರಿಯ ಕೋವರ್ಕೊಲ್ಲಿ ಎನ್ನುವಲ್ಲಿ ನಡೆದಿದೆ. ಇಂದು ಬೆಳಗಿನ ಜಾವ ಅರ್ಧ ತಿಂದಿದ್ದ ರೀತಿಯಲ್ಲಿದ್ದ ಕಾವಲುಗಾರನ ದೇಹವು ವಾಚ್ ಮನ್ ಶೆಡ್ ಸಮೀಪ ಸ್ಥಳೀಯರಿಗೆ ಕಾಣಿಸಿದೆ ಎಂದು ಅರಣ್ಯಾಧಿಕಾರಿಗಳು ಹೇಳಿದ್ದಾರೆ.

ಸತ್ತಿರುವ ವ್ಯಕ್ತಿ ಮಲ್ಲಪ್ಪ (65) ಎನ್ನುವವನಾಗಿದ್ದು ಆತ ಕಾಫಿ ತೋಟ್ವನ್ನು ಕಾವಲು ಕಾಯುವ ಸಲುವಾಗಿ ರಾತ್ರಿ ಶೆಡ್ ನಲ್ಲಿ ಮಲಗಿದ್ದನು. ಆಗ ಅವನ ಮೇಲೆ ಚಿರತೆ ದಾಳಿ ನಡೆಸಿದೆ ಎಂದು ಸ್ಥಳೀಯರು ಮಾಹಿತಿ ನೀಡಿದ್ದಾರೆ. ಕಾವಲುಗಾರನ ಶೆಡ್ ನಲ್ಲಿ ಒಂದು ತೋಳಿದ್ದ ಮೃತದೇಹವು ದೊರಕಿದ್ದು, ಅವನ ಮುಖ ಮತ್ತು ಕತ್ತಿನ ಭಾಗಗಳು ಕಾಣೆಯಾಗಿದೆ.

ಈ ಘಟನೆಯು ಸೋಮವಾರ ಬೆಳಿಗ್ಗೆ ಸಂಭವಿಸಿದ್ದು . ಚಿರತೆ ಶೆಡ್ ನ ಕಿಟಕಿಯ ಮೂಲಕ ಪ್ರವೇಶಿಸಿಕಾವಲುಗಾರನ ಮೇಲೆ ಎರಗಿದೆ ಎಂದು ಅರಣ್ಯ ಉಪ ಸಂರಕ್ಷಣಾಧಿಕಾರಿ ಸೂರ್ಯ ಸೇನ್ ಎಕ್ಸ್ ಪ್ರೆಸ್ ಗೆ ತಿಳಿಸಿದರು. ಮೃತರ ಕುಟುಂಬಕ್ಕೆ ಐದು ಲಕ್ಷ ಪರಿಹಾರಧನ ನೀಡುವುದಾಗಿ ಅವರು ಇದೇ ಸಂದರ್ಭದಲ್ಲಿ ನುಡಿದರು.